Եկամուտների ծառայության տեղեկության համաձայն՝ Դարիալի հովտում ստեղծված ծանր օդերևութաբանական իրավիճակի պատճառով «Կազբեգի» մաքսային անցակետում դադարեցվել են մաքսային հսկողության բոլոր ընթացակարգերը։
Լրահոս
Ընթերցողի ընտրանի
- 1 Կարևոր է, որ Վրաստանի կառավարության ճանաչումը դառնա իրականություն. Զախարովան՝ Օգոստոսյան պատերազմի մասին
- 2 Զատուլինի խոսքով՝ այս կառավարության օրոք Վրաստանը ստիպված կլինի մոռանալ ԵՄ-ին և ՆԱՏՕ-ին միանալու մասին
- 3 8 կուսակցություն. Մենք չենք մասնակցի հոկտեմբերի 4-ի ռուսական հատուկ գործողությանը
- 4 Վաշինգտոնում տեղի կունենա Թրամփի, Փաշինյանի և Ալիևը հանդիպումը
- 5 Գիորգի Ախոբաձեն անմեղ ճանաչվեց և ազատ արձակվեց դատարանի դահլիճից
- 6 Մենք չենք ճանաչում Վրաստանի գործող կառավարությունը․ Եվրոպական խորհրդարան
Վրաստանի մաքսային սահմանով ապրանքների ներմուծումն ու արտահանումը, ինչպես նաև պետական սահմանը հատող ֆիզիկական անձանց մաքսային հսկողության ընթացակարգերը չեն կարող իրականացվել։
Եղանակի բարելավումից հետո «Կազբեգի» անցակետը կշարունակի աշխատել սովորական ռեժիմով, ամբողջ ծանրաբեռնվածությամբ, իսկ ուղևորների ու բեռների տեղափոխումը կիրականացվի անխափան։
Շրջակա միջավայրի ազգային գործակալության տեղեկությամբ՝ Ստեփանծմինդա-Լարս ավտոճանապարհի հատվածում ձնահյուսի վտանգի աստիճանը բարձր է, ինչի պատճառով նշված հատվածում ժամանակավորապես արգելվում է բոլոր տեսակի ավտոմեքենաների երթևեկությունը։
Շրջակա միջավայրի ազգային գործակալության կանխատեսման համաձայն՝ նոյեմբերի 29-ից Վրաստանում տեղումները կդադարեն։ Օրվա ընթացքում արևմտյան Վրաստանում տաքանալու է, իսկ արևելյան Վրաստանում ցուրտ եղանակը կպահպանվի։
Արևելյան Վրաստանի լեռնային շրջաններում (Ախալքալաք, Ծալկա, Բակուրիանի, Գուդաուրի, Օմալո) կդիտվի հիմնականում առանց տեղումների եղանակ։ Օդի ջերմաստիճանը ցերեկը կլինի -4, +1, գիշերը կնվազի մինչև -8, -13 աստիճան:
