Նոյեմբերի 11-ին Վրաստան կայցելի ԵՄ ութ երկրների խորհրդարանների արտաքին հարաբերությունների հանձնաժողովների ղեկավարների պատվիրակությունը։ Այս մասին հայտնում է Գերմանիայի Բունդեսթագի արտաքին հարաբերությունների հանձնաժողովի նախագահ Միխայել Ռոթը։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
«Վրաստանն ու նրա ժողովուրդը շատ թանկ են մեզ համար։ Մենք հավատարիմ ենք Եվրոպայի սրտում ազատ և ժողովրդավարական Վրաստանին: Կեղծված ընտրություններից հետո մենք անհանգստացած ենք ընթացիկ իրադարձություններով»,- գրում է Ռոթը X հարթակում և հրապարակում Վրաստանի նախագահ Սալոմե Զուրաբիշվիլիի հետ արված լուսանկարը։
Ռոթի խոսքով՝ Թբիլիսի կժամանեն Գերմանիայի, Ֆինլանդիայի, Շվեդիայի, Ֆրանսիայի, Լիտվայի, Լատվիայի, Էստոնիայի և Լեհաստանի խորհրդարանների արտաքին հարաբերությունների հանձնաժողովների նախագահները։
Նոյեմբերի 6-ին Եվրոպական երկրների խորհրդարանների արտաքին հարաբերությունների հանձնաժողովների նախագահները, պատգամավորները և Եվրախորհրդարանի պատգամավորները համատեղ հայտարարություն են տարածել՝ խորը մտահոգություն հայտնելով խորհրդարանական ընտրություններում «աննախադեպ թվով միջադեպերի և համակարգային խախտումների» կապակցությամբ։ Նրանց գնահատմամբ՝ մեղադրանքներն այնքան լուրջ են, որ միայն անկախ միջազգային հետաքննությունը կարող է ուսումնասիրել և հետաքննել նախընտրական շրջանում և ընտրությունների օրը նկատված բոլոր խախտումները։
