Ռուսաստանի կողմից օկուպացված Ցխինվալիի Ախալգորի և Ջավա շրջանների բնակչության համար, ապրիլի 14-18-ը՝ Սուրբ Զատիկի տոնի կապակցությամբ կբացվեն այսպես կոչված անցակետերը:
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 4 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 5 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
- 6 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
Դե ֆակտո Անվտանգության խորհրդի այսօրվա նիստում, որին ներկա է եղել նաև այսպես կոչված նախագահ Ալան Գագլոևը, որոշվել է, որ օկուպացված շրջանների բնակիչները կարող են դե ֆակտո սահմանը հատել «Ռազդախան» (Օձիսի/Մոսաբրունի) և «Պերեու» (Պերեևի) անցակետերով ապրիլի 14-ին, ուրբաթ օրը՝ առավոտյան ժամը 8-ից։ Ապրիլի 18-ին ժամը 20:00-ին տեղաշարժը կրկին կսահմանափակվի:
Տեղական լրատվամիջոցների փոխանցմամբ՝ Հարավային Օսիայի դե ֆակտո Հանրապետության իրավապահ մարմինները Սուրբ Զատիկի տոնին կաշխատեն ուժեղացված ռեժիմով։
2022 թվականի օգոստոսին ընդունված որոշման համաձայն՝ «Ռազդախան» և «Պերեու» անցակետերը կգործեն յուրաքանչյուր ամսվա 20-ից 30-ը։ Մինչ այդ, գրեթե երեք տարի, արգելված էր տեղաշարժը օկուպացված Ցխինվալիի ուղղությամբ։
Այսպես կոչված սահմանը հատելու համար անհրաժեշտ է ունենալ դե ֆակտո կառավարության կողմից տրված անձնագիր/ծննդյան վկայական կամ այսպես կոչված Պետական անվտանգության կոմիտեի հատուկ անցագիր:
