Օկուպացված Աբխազիայի այսպես կոչված արտաքին գործերի նախարարի պաշտոնակատար Սերգեյ Շամբան ասել է, որ Ռուսաստանում ապրող աբխազ ուսանողները, ովքեր ունեն նաև Ռուսաստանի քաղաքացիություն, պարտավոր են գրանցվել զինվորական հաշվառման և զորակոչի գրասենյակներում։ Ըստ Շամբայի՝ Ռուսաստանի կողմից այս պահանջը հիմա է հայտնվել։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 4 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 5 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
- 6 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
«Հիմա բոլոր ուսանողներին, թոռս էլ է այնտեղ սովորում, զինվորական գրանցում են առաջարկում։ Այդպես է եղել միշտ՝ նրանք դիմում են որպես օտարերկրյա քաղաքացիներ և, միաժամանակ, ունեն Ռուսաստանի քաղաքացիություն, պարզապես որոշ ժամանակ հավատարմորեն կանգնել են դրա կողքին, աչք են փակել և չեն պահանջել։ Հիմա սա են խնդրում։ Սա չի նշանակում, որ նրանք անմիջապես կզորակոչվեն բանակ, բայց ուսումն ավարտելուց հետո, եթե մինչ այս պահը երկքաղաքացիության մասին օրենքը չգործի, կարող են բանակ զորակոչվել, եթե մնան Ռուսաստանում»,- ասել է Սերգեյ Շամբան։
Ինչպես նշել է նա, դա մի կողմից իրեն ուրախացնում է, քանի որ աբխազ ուսանողները բարձրագույն ուսումնական հաստատություններում ուսումն ավարտելուց հետո կվերադառնան հայրենիք։
2022 թվականին դե ֆակտո Աբխազիան և Ռուսաստանը ստորագրել են երկքաղաքացիության մասին այսպես կոչված համաձայնագիր։ Փաստաթղթի համաձայն՝ երկու երկրների քաղաքացի հանդիսացող անձինք պետք է զինծառայություն անցնեն այնտեղ, որտեղ մշտապես բնակվում են զինվորական զորակոչի ժամանակ։
Ինչպես ասել է Շամբան, հարցի որոշումը ձգձգվում է, քանի որ անհրաժեշտ է ՌԴ նախագահի լրացուցիչ հրամանագիրը։
