Գլխավոր դատախազության տարածած հայտարարությունից պարզ է դառնում, որ օրեր առաջ Բաթումիում մահացած դեռահաս աղջիկը սիստեմատիկ սեռական, ֆիզիկական և հոգեբանական բռնության զոհ է դարձել և ինքնասպանությամբ կյանքին վերջ է տվել։ Դատախազության տեղեկություններով՝ հանցագործության մեջ մեղադրվողը ձերբակալվել է։
Լրահոս
Ընթերցողի ընտրանի
- 1 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 2 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 3 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 4 Ոչ լեգիտիմ կառավարությունը քայլեր է ձեռնարկում վրաց ժողովրդին հետապնդելու համար․ՀԿ-ներ
- 5 Վրաստանը փոխում է 17 երկրի քաղաքացիների համար մուտքի և երկրում մնալու կանոնները
- 6 Ղարիբաշվիլին հեռացել է քաղաքականությունից. կոռուպցիոն դեպքեր, որոնց մեջ մեղադրում էին նրան
«Հետաքննությամբ պարզվել է, որ Բաթումիում մեղադրյալը սիստեմատիկ կերպով սեռական հարաբերություններ է ունեցել 16 տարին չլրացած տուժողի հետ։ Նա նաև սիստեմատիկ կերպով նվաստացրել է նրան, բանավոր վիրավորել և ոտնահարել նրա պատիվն ու արժանապատվությունը, ինչի պատճառով հունիսի 11-ին տուժողն ինքնասպանություն է գործել՝ ցած նետվելով բնակելի շենքի 15-րդ հարկից»,- հայտնում են դատախազությունից։
Ոստիկանությունը մեղադրյալին բերման է ենթարկել հունիսի 13-ին։ Նրան մեղադրանք է առաջադրվել քրեական օրենսգրքի 115-րդ և 140-րդ հոդվածներով, որոնք ներառում են ինքնասպանության հասցնելը (գենդերային հիմքով) և չափահասի կողմից մինչև 16 տարեկան անձի հետ նախնական իմացությամբ սեռական բնույթի կապը։
Ներկայացված մեղադրանքի ճանաչման դեպքում մեղադրյալին սպառնում է 7-ից 9 տարվա ազատազրկում։
Ըստ ՆԳՆ վիճակագրության՝ այս տարվա առաջին երեք ամիսներին քրեական օրենսգրքի 140-րդ հոդվածով հարուցվել է 30 հանցագործության հետաքննություն, որից 21-ը բացահայտվել է։ 2022 թվականի ընթացքում գրանցվել է նման 155 հանցագործություն։ Բացահայտման տոկոսը կազմել է 56,77%:
Այս թեմայով՝
Աշակերտի նկատմամբ սեռական ոտնձգություն կատարելու համար ձերբակալվել է դպրոցի միկրոավտոբուսի վարորդը
