Օկուպացված Աբխազիայի այսպես կոչված վարչապետի պաշտոնակատար Վալերի Բգանբան ասել է, որ Ռուսաստանը վնասակար միջատ հայտնաբերելու պատրվակով արգելել է Աբխազիայից մանդարինի ներմուծումը։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
Բգանբայի խոսքով՝ Աբխազիայի սանիտարական ծառայությունները հերքում են ցիտրուսային մրգերում վնասակար միջատների առկայությունը։
«Ռուսական կողմը, որպես կանոն, այդ միջատին հայտնաբերում է Աբխազիայում արտահերթ ընտրություններից առաջ ընկած ժամանակահատվածում։ Ցավոք, այս միջոցը կանդրադառնա բնակչության աղքատ հատվածի վրա, որն ապրում է բերքի շնորհիվ»,- ասել է այսպես կոչված վարչապետի պաշտոնակատարը։
Ռուսական լրատվամիջոցների փոխանցմամբ՝ Փսոու գետի երկայնքով, այսպես կոչված սահմանի աբխազական կողմում մանդարիններով բեռնված բեռնատարների հերթ է գոյացել։ Նախատեսվում էր Աբխազիայից Ռուսաստան արտահանել ավելի քան 37 հազար տոննա մանդարին։
Բացի այդ, հայտնի է դարձել, որ նոյեմբերից Ռուսաստանն ամբողջությամբ դադարեցրել է ֆինանսական օգնությունը Աբխազիային, ինչի պատճառով դե ֆակտո հանրապետությունը մինչև տարեվերջ չի ստանա 1․8 մլրդ ռուբլի։
Նոյեմբերին Սոխումիում սկսված բողոքի ցույցերը՝ ընդդեմ Ռուսաստանի հետ ստորագրված «Ներդրումային համաձայնագրի» վավերացման, ավարտվեցին դե ֆակտո նախագահ Ասլան Բժանիայի հրաժարականով և արտահերթ նախագահական ընտրությունների նշանակմամբ։ Այսպես կոչված ընդդիմության առաջնորդները պնդում էին, որ իրենց բողոքը հակառուսական չէ և Ռուսաստանին համարում են ռազմավարական գործընկեր։
