Շենգենյան վիզա ունեցող Ռուսաստանի քաղաքացիները հոկտեմբերի 25-ից այլևս չեն կարողանա մուտք գործել Չեխիա՝ զբոսաշրջային, սպորտային կամ մշակութային նպատակներով: Որոշումը երեկ կայացրել է Չեխիայի կառավարությունը։
Լրահոս
Ընթերցողի ընտրանի
- 1 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 2 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 3 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 4 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
Արտաքին գործերի նախարար Յան Լիպավսկու խոսքով՝ վիզային լրացուցիչ սահմանափակումների ներդրումը պայմանավորված է Ռուսաստանի կողմից Ուկրաինայում իրավիճակի սրման հետ։
«Մինչ ռուսական հրթիռները Ուկրաինայում հարվածում են մանկական խաղահրապարակներին ու աշխատանքի մեկնողներին, Ռուսաստանի Դաշնության մոտ 200 քաղաքացի ամեն օր միջազգային օդանավակայանով մտնում է Չեխիա։ Այդ իսկ պատճառով մենք պայմանավորվել ենք մերժել մուտքը Ռուսաստանի այն քաղաքացիներին, ովքեր Չեխիա են գալիս Շենգենյան գոտու արտաքին սահմաններից, այսինքն՝ մեր միջազգային օդանավակայանով՝ զբոսաշրջության, սպորտի կամ մշակութային նպատակներով։
Այս կարգը կտարածվի այն ճանապարհորդների վրա, որոնք ունեն վավեր Շենգենյան վիզա՝ տրված ԵՄ անդամ ցանկացած երկրի կողմից»,- ասել է ԱԳ նախարարը։
Մի քանի շաբաթ առաջ Ռուսաստանին սահմանակից ԵՄ անդամ երկրները՝ Լատվիան, Լիտվան, Էստոնիան, Լեհաստանը և Ֆինլանդիան, փակեցին իրենց սահմանները ռուս զբոսաշրջիկների համար։ Բացի այդ, կասեցվել է Եվրամիության և Ռուսաստանի միջև պարզեցված վիզային ռեժիմի մասին համաձայնագիրը։ Եվրախորհրդի այս որոշման արդյունքում սեպտեմբերի 12-ից ՌԴ քաղաքացիների համար վիզայի վճարը բարձրացավ մինչև 80 եվրո, և վիզա ստանալու համար անհրաժեշտ է լրացուցիչ փաստաթղթեր ներկայացնել։ Բացի այն, որ Ռուսաստանի քաղաքացիների համար Շենգենյան վիզա ստանալու համար ավելի երկար ժամանակ կպահանջվի, կսահմանափակվի նաև բազմակի վիզաների տրամադրումը։ Ռուսաստանի՝ Ուկրաինա ներխուժումից հետո Չեխիան ԵՄ առաջին երկիրն էր, որը հրաժարվեց վիզաների տրամադրումից։ Չեխիայի կառավարությունն այս որոշումը կայացրել է փետրվարի 25-ին և այն դեռ ուժի մեջ է։
Շենգենյան գոտի մտնելուց հետո ԵՄ անդամ չհանդիսացող երկրների քաղաքացիները կարող են ազատ տեղաշարժվել այնտեղ՝ առանց ներքին սահմաններում անձնագրային հսկողություն անցնելու։ Այնուամենայնիվ, ԵՄ յուրաքանչյուր երկիր ինքնուրույն վերահսկում է մուտքը ԵՄ՝ իր արտաքին սահմաններով:
