Վրաստանի նախագահ Սալոմե Զուրաբիշվիլին Սահմանադրական դատարանում վիճարկելու է այսպես կոչված «օտարերկրյա գործակալների» մասին ռուսական օրենքը։ Այս մասին այսօր կայացած ճեպազրույցում հայտարարել է նախագահի խորհրդարանական քարտուղար Գիորգի Մսխիլաձեն։
Լրահոս
Ընթերցողի ընտրանի
- 1 Եվրոպական խորհրդարանը 490 ձայնով ընդունել է Վրաստանի վերաբերյալ ևս մեկ քննադատական բանաձև
- 2 8 եվրոպական առաջարկություն, որոնց չկատարումը կարող է հանգեցնել վիզայի ազատականացման կասեցմանը
- 3 Գախարիայի կուսակցությունը և «Լելոն» ստորագրել են հուշագիր ընտրությունների վերաբերյալ
- 4 Եվրահանձնաժողովը նամակ է պատրաստում Վրաստանի համար վիզայի ազատականացումը կասեցնելու վերաբերյալ․ Յոզվյակ
- 5 FTM. «Իմեդի»-ի սեփականատեր Իրակլի Ռուխաձեի չորս բիզնեսները գրանցված են Նիդերլանդներում
- 6 Զատուլինի խոսքով՝ այս կառավարության օրոք Վրաստանը ստիպված կլինի մոռանալ ԵՄ-ին և ՆԱՏՕ-ին միանալու մասին
«Վրաստանի նախագահն առաջին անգամ հայցով դիմում է Վրաստանի Սահմանադրական դատարան։ Հայցը վերաբերում է Օտարերկրյա ազդեցության թափանցիկության ակտին, այսպես կոչված ռուսական օրենքին: Նշված օրենքը հակասահմանադրական է։ Դա հակասում է Վրաստանի Սահմանադրության 78-րդ հոդվածին։ Հայցը վիճարկում է նաև մի շարք նորմեր, որոնք խախտում են Սահմանադրությամբ երաշխավորված մի շարք հիմնարար իրավունքներ։ Այս հայցով նախագահը պահանջում է կասեցնել նշված օրենքը և վերջնականապես չեղարկել»,- ասել է Մսխիլաձեն։
Սահմանադրական դատարանում պատասխանող կողմը լինելու է Վրաստանի խորհրդարանը։
Մայիսի 28-ին «Վրացական երազանքի» խորհրդարանական մեծամասնությունը հաղթահարեց նախագահի վետոն և վերջնական ընդունեց ռուսական օրենքը։ Օրենքն ուժի մեջ է մտել խորհրդարանի նախագահ Շալվա Պապուաշվիլիի ստորագրությամբ։
Օրենքի համաձայն՝ բոլոր այն հասարակական կազմակերպություններն ու լրատվամիջոցները, որոնք իրենց եկամուտների 20%-ից ավելին ստանում են միջազգային կազմակերպություններից ստացված դրամաշնորհներից, պետք է գրանցվեն որպես օտարերկրյա տերության շահերն իրականացնող կազմակերպություններ։ Նման կազմակերպությունները պարտավոր են օգոստոսին դիմել Հանրային ռեգիստրի գործակալություն և պահանջել գրանցվել որպես օտարերկրյա տերության շահերն իրականացնող կազմակերպություն։
Սահմանված ժամկետում գրանցումից խուսափելը կամ ֆինանսական հայտարարագիրը չներկայացնելը կառաջացնի տուգանք՝ 25 000 լարիի չափով: Արդարադատության նախարարության պահանջները չկատարելու համար օրենքը նախատեսում է լրացուցիչ տուգանքներ՝ 10 000 և 20 000 լարիի չափով։
Բացի այդ, Արդարադատության նախարարությունը իրավունք ունի տուգանել բոլոր անձանց (այդ թվում՝ ֆիզիկական անձանց) 5000 լարիով՝ պահանջվող տեղեկատվությունը չներկայացնելու համար։ Արդարադատության նախարարությունը կարող է անհատներից պահանջել անձնական տվյալներ, կոմերցիոն, մասնագիտական և գաղտնի տեղեկատվություն։
Հարյուրից ավելի հասարակական կազմակերպություններ և առցանց լրատվականներ հայտարարել են, որ չեն գրանցվելու «գործակալների» ռեգիստրում։ Որոշ կազմակերպություններ նախատեսում են բողոքարկել ռուսական օրենքը Վրաստանի Սահմանադրական և Մարդու իրավունքների եվրոպական դատարաններում։
