Առաջատար և մենթոր ուսուցչի կարգավիճակը բարելավելու ունակությունների քննության գրանցումը հետաձգվել է մինչև 2024 թվականի սկիզբ։ Այս մասին որոշումը կայացրել է կրթության և գիտության նախարար Գիորգի Ամիլախվարին։
Լրահոս
Ընթերցողի ընտրանի
- 1 Եվրոպական խորհրդարանը 490 ձայնով ընդունել է Վրաստանի վերաբերյալ ևս մեկ քննադատական բանաձև
- 2 8 եվրոպական առաջարկություն, որոնց չկատարումը կարող է հանգեցնել վիզայի ազատականացման կասեցմանը
- 3 Գախարիայի կուսակցությունը և «Լելոն» ստորագրել են հուշագիր ընտրությունների վերաբերյալ
- 4 Եվրահանձնաժողովը նամակ է պատրաստում Վրաստանի համար վիզայի ազատականացումը կասեցնելու վերաբերյալ․ Յոզվյակ
- 5 FTM. «Իմեդի»-ի սեփականատեր Իրակլի Ռուխաձեի չորս բիզնեսները գրանցված են Նիդերլանդներում
- 6 Զատուլինի խոսքով՝ այս կառավարության օրոք Վրաստանը ստիպված կլինի մոռանալ ԵՄ-ին և ՆԱՏՕ-ին միանալու մասին
Ներկա պահին ուսուցիչներն անցնում են պորտֆոլիոյի գնահատման փուլը, ինչը, ըստ Ամիլախվարիի, լրացուցիչ հնարավորություն կտա նախարարությանը ճիշտ վերլուծել կարիքները։
«Ուստի որոշում եմ կայացրել առաջատար և մենթոր ուսուցչի կարգավիճակի բարելավման ունակությունների քննության գրանցումը հետաձգել մինչև 2024 թվականի սկիզբը։
Սակայն այս գործընթացը չի ազդի հայտարարված ժամկետների վրա, և նրանց հնարավորություն կտրվի բարելավել իրենց կարգավիճակը մինչև 2024-2025 ուսումնական տարվա մեկնարկը։
Մենք ցանկանում ենք օգտագործել այս ժամանակահատվածը՝ համակարգում առաջին անգամ գործարկվող գործընթացին հետևելու համար: Վերլուծենք և անենք ճիշտ հետևություններ, որպեսզի մեր որոշումները կենտրոնանան ոչ թե կարճաժամկետ խնդիրների լուծման, այլ հիմնվեն երկարաժամկետ համակարգային տեսլականի վրա», - ասել է Ամիլախվարին։
Առաջատար և մենթոր ուսուցիչ դառնալ ցանկացողների մասնագիտական ունակությունների քննությունն առաջին անգամ անցկացվել է 2022 թվականին։ Ուսուցիչները հանձնել են մեկ թեստ, որի առավելագույն միավորը եղել է 70 բալ։
Գնահատման և քննությունների ազգային կենտրոնի տվյալներով՝ նախորդ տարի առաջատար ուսուցչի կարգավիճակ ստանալու համար քննություն է հանձնել 8 102 ուսուցիչ, որոնցից շեմը (43 միավոր) չի հաղթահարել 5 646 ուսուցիչ։ Միայն 2 456 ուսուցիչ է կարողացել փոխել իր կարգավիճակը։ Մենթոր ուսուցչի քննությունը հանձնելու ցանկություն են հայտնել ընդհանուր առմամբ 2 744 առաջատար ուսուցիչներ, որոնցից շեմը (53 միավոր) հաղթահարել են միայն 184-ը։
Առաջատար և մենթոր ուսուցիչները ստանում են բարձր աշխատավարձ:
