Անհատական դիմումների հիման վրա ոչ լեգիտիմ խորհրդարանը վաղաժամկետ դադարեցրել է «Վրացական երազանքի» պատվավոր նախագահ Բիձինա Իվանիշվիլիի, ինչպես նաև կուսակցության նախագահ Իրակլի Ղարիբաշվիլիի և նախագահի թեկնածու Միխեիլ Կավելաշվիլիի պատգամավորական լիազորությունները։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
Այսօրվա նիստում ոչ լեգիտիմ կառավարությունում պաշտոններ զբաղեցրած «Վրացական երազանքի» անդամները՝ վարչապետ Իրակլի Կոբախիձեն, արտաքին գործերի նախարար Մակա Բոճորիշվիլին, շրջակա միջավայրի պահպանության և գյուղատնտեսության նախարար Դավիթ Սոնղուլաշվիլին, արդարադատության նախարար Անրի Օխանաշվիլին և էկոնոմիկայի փոխնախարար Մարիամ Քվրիվիշվիլին նույնպես զրկվել են պատգամավորի իրենց լիազորություններից։
«Վրացական երազանքն» այսօր չի քննարկել ընդդիմության այն անդամների մանդատը դադարեցնելու հարցը, ովքեր համապատասխան հայտարարությամբ դիմել են խորհրդարանին։ «Վրացական երազանքը» նախատեսում է ուրբաթ օրը ավարտել աշնանային նստաշրջանը։
Նոյեմբերի 25-ին «Վրացական երազանքն» անցկացրել է 11-րդ գումարման խորհրդարանի առաջին նիստը և ճանաչել բոլոր 150 անդամների լիազորությունները՝ չնայած Սահմանադրական դատարանում նրանց ընտրության օրինականությունը վիճարկելուն։ Նոյեմբերի 28-ին ոչ լեգիտիմ խորհրդարանը նաև հաստատել է կառավարության կազմը։
Կենտրոնական ընտրական հանձնաժողովի վերջնական տվյալների համաձայն՝ «Վրացական երազանքը» խորհրդարանում ստացել է 89 մանդատ, «Հանուն փոփոխությունների կոալիցիան»՝ 19, «Միասնություն՝ ազգային շարժումը»՝ 16, «Ուժեղ Վրաստանը»՝ 14, իսկ «Գախարիան հանուն Վրաստանի» կուսակցությունը՝ 12։ Ընդդիմադիր կուսակցություններից ոչ մեկը այս արդյունքները չի ճանաչում։ Նրանք կարծում են, որ ընտրությունները կեղծվել են և պահանջում են նոր խորհրդարանական ընտրություններ։
