Վրաստանի ներքին գործերի նախարարության սպասարկման գործակալությունը սկսել է միջազգային վարորդական վկայականների տրամադրումը, որը նախատեսված է 1949 թվականի սեպտեմբերի 19-ի Ժնևի «Ճանապարհային երթևեկության մասին» կոնվենցիայով։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 4 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
Միջազգային վարորդական վկայականը տրվում է մեկ տարի ժամկետով՝ ազգային վարորդական վկայականի հիման վրա։ Փաստաթղթի արժեքը 109 լարի է։ Այն կգործի Վրաստանից դուրս՝ Ժնևի կոնվենցիայի անդամ երկրներում։
Սպասարկման գործակալությունը նաև տրամադրում է «Ճանապարհային երթևեկության մասին» 1968 թվականի նոյեմբերի 8-ի Վիեննայի կոնվենցիայով նախատեսված միջազգային վարորդական վկայականներ, որոնք գործում են 3 տարի։ Փաստաթուղթը գործում է Վրաստանի սահմաններից դուրս՝ Վիեննայի կոնվենցիայի անդամ երկրներում։
Միջազգային վարորդական վկայական ստանալու համար անձը Սպասարկման գործակալություն պետք է ներկայացնի անձը հաստատող փաստաթուղթ և ազգային վարորդական վկայական:
Ինչպես հայտնել են Սպասարկման գործակալությունում, միջազգային վարորդական վկայականը տրվում է գործակալության կառուցվածքային ստորաբաժանումներում, և նշված ծառայությունը հեռավար չի իրականացվում։
