Ազգային ժողովրդավարական ինստիտուտի (NDI) միջազգային դիտորդական առաքելության ղեկավարներից մեկը, Վրաստանում ԵՄ նախկին դեսպան Պեր Էքլունդը հայտարարել է, որ նախընտրական շրջանը չէր համապատասխանում ժողովրդավարական ընտրությունների հիմնարար չափանիշներին։
Լրահոս
Ընթերցողի ընտրանի
- 1 Առգրավվել է 7 միլիոն դոլար․ ՊԱԾ-ը՝ Ղարիբաշվիլիի և այլ նախկին բարձրաստիճան պաշտոնյաների տների խուզարկության մասին
- 2 Դեռահասին ծեծի ենթարկելու մեղադրանքով ձերբակալվել է Մառնեուլիի Սակրեբուլոյի անդամի որդին
- 3 Ընդդիմության արգելման վերաբերյալ Սահմանադրական դատարան հայց կներկայացվի հոկտեմբերին
- 4 ԿԸՀ. «Վրացական երազանքի» քաղաքապետի թեկնածուները 25 ընտրատարածքներում ստացել են ձայների 100%-ը
- 5 Կառավարության հրաժարականի պահանջով հոկտեմբերի 26-ին տեղի կունենա բողոքի երթ
Այսօր՝ հոկտեմբերի 27-ին, հրավիրված մամուլի ասուլիսում Պեր Էքլունդն ասել է, որ հոկտեմբերի 26-ի խորհրդարանական ընտրություններում գրանցվել է ընտրողների բարձր մասնակցություն, ինչը հաստատում է Վրաստանի քաղաքացիների հավատարմությունը ժողովրդավարական գործընթացին։
«Հասկանալի է, որ նախընտրական շրջանը չէր համապատասխանում ժողովրդավարական ընտրությունների հիմնարար չափանիշներին։
Դիտորդական առաքելությունները, դիտորդական գործընթացները խարխլելու, խոչընդոտելու պետական ջանքերը, քաղաքացիական հասարակության դեմ ուղղված օրենքների հրապարակումը, սպառնալիքները, ընտրողներին և դիտորդներին ահաբեկելը, ինչպես ընտրությունների նախաշեմին, այնպես էլ ընտրությունների օրը, խաթարեցին գործընթացի արդարությունը ամբողջությամբ»,- ասել է Էքլունդը։
NDI-ի պատվիրակության դիտորդներն աշխատել են Վրաստանի 10 շրջաններում։ Ինչպես ասել է Պեր Էքլունդը, իրենք եզրակացրել են, որ քվեարկությունը հիմնականում օրինական է, սակայն դիտորդական խմբերը նշել են «նախորդ ընտրությունների համեմատ խախտումների զգալի աճ, ներառյալ բռնության կիրառումը և քվեաթերթիկների լցոնումը»:
