«Բաթումելեբի» և «Նեթգազեթի» լրատվամիջոցների տնօրեն Մզիա Ամաղլոբելին երկրորդ անգամ է դատապարտվել հունիսի 18-ին՝ Աջարիայի ոստիկանության վարչության մուտքի մոտ գտնվող ցանկապատին պիտակ կպցնելու համար: Բաթումիի քաղաքային դատարանի դատավոր Մարիանա Փոմաևան 1000 լարիով տուգանել է Մզիա Ամաղլոբելիին, ով ավելի քան 5 ամիս կալանքի տակ է:
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
Մզիա Ամաղլոբելին երկու անգամ ձերբակալվել է հունվարի 11-ի լույս 12-ի գիշերը Աջարիայի ոստիկանության վարչության մոտ տեղի ունեցած բողոքի ցույցի ժամանակ: Առաջին անգամ նա ոստիկանության բաժանմունքի մուտքի մոտ գտնվող օժանդակ շենքի պատին պիտակ է կպցրել՝ կապված հունվարի 15-ին նախատեսված ընդհանուր գործադուլի հետ: Ավելի վաղ քաղաքացիական ակտիվիստ և Մզիա Ամաղլոբելիի ընկերուհի Ցիալա Քաթամիձեն անօրինական կերպով ձերբակալվել է այս պիտակը ոստիկանության շենքի առջևի մայթին կպցնելու համար: Մզիան անմիջապես դրանից հետո գնացել է ցույցի և նույնն արել: Տեսանյութում լսվում է, թե ինչպես է Բաթումիի ոստիկանապետ Իրակլի Դգեբուաձեն որպես Մզիա Ամաղլոբելիի ձերբակալման պատճառ նշում 150-րդ հոդվածը, որը վերաբերում է համայնքի վարչական սահմաններում տարածքի տեսքի խեղաթյուրմանը: 150-րդ հոդվածի համաձայն՝ ոստիկանությունն իրավունք չունի անձին կալանավորելու, սակայն Մզիան անօրինական կերպով մեկ ժամով կալանավորվել է: Ականատեսների վկայությամբ՝ Աջարիայի ոստիկանության շենքում գտնվելու ընթացքում Մզիա Ամաղլոբելին ականատես է եղել, թե ինչպես են Իրակլի Դգեբուաձեն և ուրիշներ ծեծում հանրահավաքի ձերբակալված մասնակիցներին:
Մզիային ազատ արձակելուց հետո հանրահավաքը շարունակվել է ոստիկանության շենքի մոտ: Ոստիկանությունը ձերբակալել է Մզիայի երկու ազգականների՝ Գաբաիձե եղբայրներին, որոնք հանրահավաքին էին միացել Մզիայի ձերբակալությունից հետո: Մզիա Ամաղլոբելին պատասխան էր պահանջում Իրակլի Դգեբուաձեից Գաբաիձե եղբայրների ձերբակալության համար, որի ընթացքում նա ապտակել է նրան:
Դեպքի տեսանյութում երևում է, թե ինչպես է Իրակլի Դգեբուաձեն հայհոյում Մզիային և սպառնում. «Ես քեզ քրեական կարգով կբռնեմ»: Նրա դեմ իսկապես քրեական գործ է հարուցվել Վրաստանի քրեական օրենսգրքի 353-րդ հոդվածի 1-ին մասի համաձայն, որը վերաբերում է ոստիկանի վրա հարձակմանը: Սակայն մեղադրական եզրակացության մեջ, որի հիման վրա սկսվել էր հետաքննությունը, սկզբում հենց դա էր նշված՝ վիրավորանք: Օրենքը վիրավորանքը համարում է միայն վարչական իրավախախտում և ընդհանրապես չի որակում այն որպես հանցագործություն:
Այնուհետև Բաթումիի ոստիկանությունը Մզիա Ամաղլոբելիի դեմ կազմել է կեղծ վարչական իրավախախտման արձանագրություն՝ Վարչական իրավախախտումների օրենսգրքի 173-րդ հոդվածի 1-ին մասի համաձայն՝ պիտակներ կպցնելու միջադեպի համար: Ոստիկանները կեղծ ցուցմունքներ են տվել, որ Մզիա Ամաղլոբելին վիրավորել է իրենց, ինչը տեղի չի ունեցել, և դա հաստատող որևէ ապացույց չկա: Դատախազությունն օգտագործել է այս հանգամանքը՝ Մզիա Ամաղլոբելիի նկատմամբ նախնական կալանք կիրառելու համար՝ որպես խափանման միջոց ապտակի գործով՝ առանց դատարանի կողմից նույնիսկ քննարկելու շինծու գործը: Չնայած ապացույցների բացակայությանը, որ Մզիան որևէ մեկին հայհոյել է, մարտի 18-ին դատավոր Սալիխ Շաինիձեն նրան ճանաչել է իրավախախտ և տուգանել 2000 լարիով:
Պիտակ կպցնելու համար՝ արտաքին տեսքը խեղաթյուրելու պատրվակով, վարչական իրավախախտման նոր արձանագրությունը կազմվել է միջադեպից երեքուկես ամիս անց՝ ապրիլի 30-ին։
Երկու օր առաջ՝ ապրիլի 28-ին, Աջարիայի նախկին ոստիկանապետ Գրիգոլ Բեսելիան, որը հարցաքննվել էր որպես վկա Մզիա Ամաղլոբելիի դեմ հարուցված քրեական գործով, ասել էր, որ Մզիա Ամագլոբելիի դեմ նույնպես կազմվել է վարչական իրավախախտման արձանագրություն՝ 150-րդ հոդվածի համաձայն։ Բեսելիայի ցուցմունքից երկու օր անց ոստիկան Նոդար Զենաիշվիլին կազմել է վարչական իրավախախտման արձանագրությունը։ Դատավոր Մարիանա Փոմաևան Մզիա Ամաղլոբելիին ճանաչել է իրավախախտ և տուգանել՝ 1000 լարիով։
Մզիա Ամաղլոբելին ներկա չի գտնվել նիստին, ոչ էլ հեռակա կարգով է մասնակցել։
