Դեկտեմբերի 23-ի օրվա երկրորդ կեսից մինչև դեկտեմբերի 26-ը Վրաստանում սպասվում է օդերևութաբանական պայմանների վատթարացում։ Շրջակա միջավայրի ազգային գործակալության տեղեկություններով՝ որոշ վայրերում կտեղա անձրև, կփչի ուժեղ քամի, լեռներում և բարձր լեռներում կլինի առատ ձյուն, մառախուղ, բուք և ձնահյուսի վտանգ։ Ծովում հնարավոր է ուժեղ՝ մինչև 6 բալանոց փոթորիկ։
Լրահոս
Ընթերցողի ընտրանի
- 1 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 2 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 3 Վրաստանը փոխում է 17 երկրի քաղաքացիների համար մուտքի և երկրում մնալու կանոնները
- 4 Ռուսաստանը կանոնավոր չվերթներ է սկսել դեպի օկուպացված Աբխազիա
- 5 Ղարիբաշվիլին հեռացել է քաղաքականությունից. կոռուպցիոն դեպքեր, որոնց մեջ մեղադրում էին նրան
- 6 Բրիտանիան մարդու իրավունքների խախտման համար պատժամիջոցներ է սահմանել «Երազանքի» 4 բարձրաստիճան պաշտոնյաների նկատմամբ
Արևմտյան Վրաստանի գետերի վրա սպասվող առատ տեղումները կարող են առաջացնել ջրի մակարդակի զգալի աճ, իսկ լեռնային շրջաններում սողանքների և սելավների առաջացում և ակտիվացում:
Առատ ձյան, վատ տեսանելիության, ձնաբքի և ձնահյուսի վտանգի պատճառով ավտոճանապարհների առանձին հատվածներում սահմանափակվում է երթևեկությունը։
Սաչխերե (Սարեկի)-Ուզունթա-Շքմերի-Զուդալի ավտոճանապարհին տեղացած ձյան պատճառով արգելվում է կցորդով և կիսակցորդով տրանսպորտային միջոցների տեղաշարժը, իսկ այլ տեսակի ավտոտրանսպորտային միջոցների տեղաշարժն ազատ է։
Ձյան և սառնամանիքի պատճառով Մցխեթա-Ստեփանծմինդա-Լարս ավտոճանապարհի Գուդաուրի (Փոստա)-Կոբի հատվածում արգելված է կցորդներով և կիսակցորդներով տրանսպորտային միջոցների երթևեկությունը, իսկ մյուս տեսակի տրանսպորտային միջոցների տեղաշարժն ազատ է։ Գուդաուրի (Փոստա)-Կոբի հատվածում երթևեկությունը կիրականացվի առանց կանգառի, միայն ձնահյուսից պաշտպանող թունելներով։
Ձյան և սառնամանիքի պատճառով Զուգդիդի-Ջվարի-Մեստիա-Լասդիլի ավտոճանապարհի Խաիշի-Ուշգուլի հատվածում արգելվում է կցորդով, կիսակցորդով և 30 նստատեղից ավելի տարողությամբ ավտոբուսների տեղաշարժը, իսկ թեթև տրանսպորտային միջոցների տեղաշարժը թույլատրվում է Մեստիա-Ուշգուլի հատվածում՝ հակասողանքային շղթաներով։ Ամենագնաց մեքենաների տեղաշարժն ազատ է։
