«Միասնություն-Ազգային շարժում» կուսակցության առաջնորդներից Գիորգի Վաշաձեն խորհրդարանի դիմաց տեղի ունեցած հանրահավաքի ժամանակ հայտարարել է, որ ընդդիմության պահանջը նոր խորհրդարանական ընտրություններ անցկացնելն է։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
«Ուզում եմ մեր թիմի անունից կոնկրետ ասել մեր որոշումները։ Եվ դուք, և մենք այս ընտրությունները ճանաչում ենք ոչ լեգիտիմ, այս ընտրությունները լեգիտիմ չեն։
Մենք չենք պատրաստվում մտնել այս խորհրդարան, իսկ որպեսզի չմտնենք, հրաժարվում ենք բոլոր մանդատներից, և ցուցակները կչեղարկենք, և ես ձեզ խոստանում եմ, որ մենք անպայման միասին ենք հաղթելու։
Մենք շատ կոնկրետ խնդրանք ունենք՝ ընտրությունները նորովի անցկացնել, բայց անցկացնել միջազգային ընտրական վարչության կողմից, ոչ թե այս կեղծ ընտրական վարչությունը։ Սրանք այն պահանջներն են, որոնք պետք է կատարվեն։
Սակայն մենք չենք պատրաստվում որևէ բանակցությունների մեջ մտնել։ Մենք չենք պատրաստվում որևէ երկխոսություն վարել, միակ բանակցությունն ու համաձայնությունը պետք է լինի նոր ընտրությունների շուրջ, որոնք վարելու է միջազգային վարչությունը, այլ ոչ թե «Վրացական երազանքի» և ՊԱԾ-ի ղեկավարած ընտրական հանձնաժողովները»,- ասել է Վաշաձեն։
Խորհրդարանական ընտրություններից հետո երկրորդ օրը հազարավոր քաղաքացիներ են հավաքվել Ռուսթավելիի պողոտայում։ Նրանք չեն ընդունում Կենտրոնական ընտրական հանձնաժողովի հրապարակած տվյալները, ըստ որոնց՝ իշխող կուսակցությունը՝ «Վրացական երազանքը» ստացել է ձայների գրեթե 54 տոկոսը։
Ընտրական շեմը հաղթահարած չորս ընդդիմադիր կուսակցությունները և նախագահ Սալոմե Զուրաբիշվիլին կարծում են, որ ընտրությունները կեղծվել են։
Տեղական դիտորդական «Իմ ձայնը» կազմակերպությունների կոալիցիան պահանջում է չեղյալ համարել 189 ընտրական տեղամասերի արդյունքները։ Ըստ կոալիցիայի՝ քվեարկության օրը գործել է նախապես ծրագրված, կազմակերպված կեղծարարության սխեմա, ինչը հաստատվում է դիտորդների գրավոր բողոքներով, ականատեսների ցուցմունքներով, լուսանկարներով, տեսանյութերով և աուդիո նյութերով։
