Մենք աջակցում ենք Վրաստանի քայլերին՝ պաշտպանելու իր ինքնիշխանությունը. Լուկաշենկո

«Վրաստանում դուք պետք է անեք, ինչպես անում եք, այն ամենը, ինչը բխում է վրաց ժողովրդի շահերից։ Բելառուսների և վրացիների միջև բարեկամության և փոխադարձ հարգանքի ավանդույթները, ինչպես նաև պատմության ընդհանուր էջերը ամուր հիմք են մեր երկրների միջև լիարժեք համապարփակ համագործակցության վերականգնման համար։ Դուք լավ գիտեք, որ մեր դուռը միշտ բաց է եղել և մնում է ձեզ համար»,- ասել է Լուկաշենկոն, ով 2022 թվականին այցելել է Աբխազիա, իսկ 2023 թվականին Մինսկում հյուրընկալել՝ Վրաստանի օկուպացված շրջանի այն ժամանակվա նախագահ Ասլան Բժանիային։

Գիորգի Սագանելիձեն ասել է, որ «լավագույն տրամադրությամբ է սկսում դեսպանի իր առաքելությունը» և լավատես է երկկողմ համագործակցության հեռանկարների վերաբերյալ։

«Կա փոխըմբռնում, որ մենք պետք է մերձեցնենք միմյանց նկատմամբ շատ դրական վերաբերմունք ունեցող մեր ժողովուրդներին, զարգացնենք համագործակցությունը։ Մենք հասկանում ենք, որ հեշտ ժամանակներ չեն։ Ըստ այդմ, մենք պետք է ընդհանուր եզրեր գտնենք և մեր երկկողմ հարաբերությունները զարգացնենք այն ուղղություններով, որոնք ձեռնտու են երկու կողմերին։ [...] Գլխավորն այն է, որ մեր երկրներում, մեր տարածաշրջաններում խաղաղություն լինի»,- նշել է դիվանագետը։

Հարցին, թե Վրաստանը Բելառուսի կողմից ավելի սերտ երկխոսության ցանկություն տեսնո՞ւմ է, Գիորգի Սագանելիձեն ընդգծել է.

«Իհարկե։ Սա երկկողմանի շարժում է։ Դա միշտ այդպես է ցանկացած հարաբերություններում. հարաբերությունների հետագա զարգացումն անհրաժեշտ է, եթե դա ցանկանում են երկու կամ ավելի կողմեր ​​(եթե խոսքը բազմակողմ հարաբերությունների մասին է): Նման ցանկություն ունի ինչպես Բելառուսի, այնպես էլ Վրաստանի ղեկավարությունը։ Կարծում եմ, որ եթե շատ փորձենք, ամեն ինչ կստացվի»,- ասել է Գիորգի Սագանելիձեն։

Սագանելիձեն Բելառուսի Հանրապետությունում Վրաստանի գործերի ժամանակավոր հավատարմատարն էր 2023 թվականից։