Մայիսի 26-ը մերն է, Վրաստանի բոլոր քաղաքացիները կստանձնեն մայիսի 26-ը․ Զուրաբիշվիլի

Մայիսի 26-ը մերն է։ Մայիսի 26-ը անկախության խորհրդանիշ է, և այսօր Վրաստանում անկախությունը պետք է փրկվի։ Մենք կփրկենք մեր անկախությունը, մենք կփրկենք երկիրը բոլորս միասին, նախ մայիսի 9-ին, ապա՝ մայիսի 26-ին», - ասել է Վրաստանի հինգերորդ նախագահը։

Նրա խոսքով՝ մայիսի 26-ի կազմակերպչական կոմիտեն կձևավորվի հասարակության տարբեր շերտերի ներկայացուցիչներից։

Սալոմե Զուրաբիշվիլիի գլխավորած «Դիմադրության հարթակը» միավորում է «Ուժեղ Վրաստանը», «Դրոան», «Ստրատեգիա Աղմաշենեբելին», «Ֆեդերալիստները» և այլ ուժեր։

2025 թվականի մայիսի 26-ին Վրաստանը կնշի իր անկախության 107-ամյակը։ «Վրացական երազանքի» կառավարությունն այս օրը միջոցառումներ է անցկացնում Թբիլիսիում և շրջաններում։

«Նրանք ուզում են, որ մայիսի 26-ը բաժանվի երկու մասի, և հասարակությունը բաժանվի երկու մասի մայիսի 26-ին՝ մենք, իհարկե,

թույլ չենք տա, որ «դիփ սթեյթը» դա անի, և մենք զգուշացնում ենք բոլոր նրանց, ովքեր կարող են գործել այլ հրամաններով, այդ թվում՝ Սալոմե Զուրաբիշվիլիին, որ ոչ մի տեղ չսայթակեն»,-

այսպես է «Վրացական երազանքի» կառավարության ղեկավար Իրակլի Կոբախիձեն արձագանքել Սալոմե Զուրաբիշվիլիի նախաձեռնությանը։