«Ազգային շարժման» Մարտվիլիի շրջանային կազմակերպության նախագահ, Մարտվիլիի սակրեբուլոյի անդամ Զաալ Գորոզիային ոստիկանությունը ձերբակալել է ընտանեկան բռնության մեղադրանքով։
Լրահոս
Ընթերցողի ընտրանի
- 1 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 2 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 3 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 4 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
Տեղական լրատվամիջոցների փոխանցմամբ՝ իրավապահներին օգնության խնդրանքով դիմել է Զաալ Գորոզիայի կինը։
«Միայն կարող եմ ասել, որ սա իսկապես թյուրիմացություն էր, մնացածը իրավապահների իրավասությունն է, և մենք չենք կարող միանշանակ խոսել բռնություն եղե՞լ է, թե՞ ոչ, ճիշտ չի լինի գնահատել՝ դա բռնություն էր, թե՞ ոչ։ Եթե ասում ենք, որ հետաքննություն է սկսվել, իրավապահ մարմինները կպարզեն՝ օբյեկտիվորեն հետաքննեն, որ դա թյուրիմացություն է եղել»,- ասել է «Ազգային շարժում» խմբակցության պատգամավոր Անի Ցիթլիձեն։
Մարտվիլիի ոստիկանությունը գործը քննում է քրեական օրենսգրքի 126-րդ պրիմա հոդվածի առաջին մասով, որը վերաբերում է ընտանիքի մի անդամի կողմից ընտանիքի մյուս անդամի նկատմամբ բռնություն գործադրելուն, որն առաջացրել է ֆիզիկական ցավ կամ տառապանք, որը առողջությանը վնաս չի պատճառել։ Հանցագործությունը պատժվում է համայնքային աշխատանքով՝ ութսունից հարյուր քառասուն ժամ ժամկետով, կամ ազատազրկմամբ՝ առավելագույնը երկու տարի ժամկետով, զենքի հետ կապված իրավունքների սահմանափակմամբ կամ առանց դրա։
Զաալ Գորոզիան 2003-2006 թվականներին եղել է Մարտվիլիի շրջանի համայնքապետի տեղակալը: 2006-2014 թվականներին՝ Մարտվիլիի մունիցիպալիտետի սակրեբուլոյի նախագահ, 2014 թվականից հանդիսանում է սակրեբուլոյի անդամ:
