Մառնեուլիի 69-րդ ընտրական տեղամասում արձանագրվել է քվեաթերթիկներն ապօրինի արկղում լցնելու դեպք, որից հետո տեղամասը փակվել է։ Անձը, ով, ըստ տեսանյութի, քվեաթերթիկներ է լցնում արկղում, սակրեբուլոյի փոխնախագահ, «Վրացական երազանքի» անդամ Ռովշան Իսկանդարովն է։ Նա 69-րդ տեղամասում էր՝ որպես կուսակցության ներկայացուցիչ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 ԵՄ-ն ընտրություններն ուսումնասիրելու համար առաքելություն կուղարկի Վրաստան և կչեղարկի կառավարությանը տրվող 121 միլիոնի օգնությունը
- 6 Աղմկոտ նիստից հետո ԿԸՀ-ն հաստատեց ընտրությունների ամփոփիչ արձանագրությունը
Անօրինական գործողության տեսագրությունը «Իմ ձայնը» դիտորդական առաքելության դիտորդն է նկարահանել, որից հետո նա ենթարկվել է ֆիզիկական բռնության և հեռացվել տեղամասից։
Կենտրոնական ընտրական հանձնաժողովի նախագահ Գիորգի Կալանդարիշվիլին տարածված տեղեկությունը «անհանգստացնող» է անվանել և կոչ է արել Մառնեուլիի շրջանային ընտրական հանձնաժողովին «պատշաճ որոշում» կայացնել։
«Համացանցում տեղեկություններ կան, որ Մառնեուլիի 69-րդ ընտրատեղամասում իբր քվեաթերթիկներ են լցրել քվեատուփի մեջ։ Սա մտահոգիչ տեղեկություն է։
Ուզում եմ շտապ կոչ անել և խնդրել Մառնեուլիի շրջանային ընտրական հանձնաժողովին պարզել իրավիճակը, հանձնաժողովի նիստ գումարել և համապատասխան որոշում կայացնել»,- ասել է Կալանդարիշվիլին։
Ըստ ԿԸՀ նախագահի՝ ՆԳՆ-ն դեպքի առթիվ հետաքննություն է սկսել։
«Կխնդրեի նախարարությանը հնարավորինս արագ իրականացնել համապատասխան ընթացակարգեր, որպեսզի մեր իրավասության շրջանակներում հանրությանը կարողանանք օբյեկտիվ, մանրամասն տեղեկատվություն տրամադրել այս հարցի վերաբերյալ։ Բոլոր նման դեպքերը, ճիշտ են, թե ոչ, անշուշտ վնասում են ընտրական միջավայրին, վնասում են քվեարկության օրվա ամբողջականությունը և վնասում են ինստիտուտի հեղինակությունը»,- ասել է Գիորգի Կալանդարիշվիլին։
