Կառավարության նոր կազմում արտաքին գործերի, արդարադատության և շրջակա միջավայրի պահպանության և գյուղատնտեսության նախարարների պաշտոնները կզբաղեցնեն «Վրացական երազանքի» պատգամավորներ Մակա Բոճորիշվիլին, Անրի Օխանաշվիլին և Դավիթ Սոնղուլաշվիլին։
Լրահոս
Ընթերցողի ընտրանի
- 1 Դեռահասին ծեծի ենթարկելու մեղադրանքով ձերբակալվել է Մառնեուլիի Սակրեբուլոյի անդամի որդին
- 2 Ընդդիմության արգելման վերաբերյալ Սահմանադրական դատարան հայց կներկայացվի հոկտեմբերին
- 3 Կառավարության հրաժարականի պահանջով հոկտեմբերի 26-ին տեղի կունենա բողոքի երթ
- 4 ԿԸՀ. «Վրացական երազանքի» քաղաքապետի թեկնածուները 25 ընտրատարածքներում ստացել են ձայների 100%-ը
Վարչապետի թեկնածու Իրակլի Կոբախիձեն արտաքին գործերի նախարարի պաշտոնում առաջադրել է խորհրդարանի Եվրամիության հետ ինտեգրման հանձնաժողովի նախագահ Մակա Բոճորիշվիլիին, արդարադատության նախարարի պաշտոնում՝ իրավական հարցերի հանձնաժողովի նախագահ Անրի Օխանաշվիլիին, իսկ շրջակա միջավայրի պահպանության և գյուղատնտեսության նախարարի պաշտոնում՝ ոլորտային էկոնոմիկայի և տնտեսական քաղաքականության հանձնաժողովի նախագահ Դավիթ Սոնղուլաշվիլիին։
Կառավարության նոր կազմին պետք է վստահություն հայտնի 11-րդ գումարման խորհրդարանը, որի լեգիտիմությունը չեն ճանաչում ընդդիմադիր կուսակցություններն ու նախագահը։
Մակա Բոճորիշվիլին, Անրի Օխանաշվիլին և Դավիթ Սոնղուլաշվիլին 10-րդ գումարման խորհրդարանում սատարել են «օտարերկրյա գործակալների» ռուսական օրենքի ընդունմանը։ Նրանք երեքն էլ հոկտեմբերի 26-ին կայացած խորհրդարանական ընտրություններին «Վրացական երազանքի» ցուցակում էին։
