«Ոչ լեգիտիմ կառավարություն, Իվանիշվիլիի ռեժիմ, այսպես կոչված հանձնաժողով, ռուսիֆիկացիա, կլանային դատարան, ռեժիմի բանտարկյալներ» - «Վրացական երազանքը» Կապի հանձնաժողովում բողոք է ներկայացրել «TV Պիրվելիի» և «Ֆորմուլայի» դեմ՝ լրատվական հաղորդումներում և սոցիալական ցանցերում այս և նմանատիպ տերմիններ օգտագործելու համար։
Լրահոս
Ընթերցողի ընտրանի
- 1 Բաթումիի և Քոբուլեթիի քաղաքապետները ֆեյսբուքյան գրառումներով հրաժարական են ներկայացրել
- 2 Գլդանիի բանտից ծանր վնասվածքներով կլինիկա տեղափոխված կալանավորը մահացել է
- 3 Իրակլի Օքրուաշվիլին ձերբակալվել է Ծուլուկիանիի հանձնաժողովի նիստին չներկայանալու համար
- 4 Մայիսի 26-ը մերն է, Վրաստանի բոլոր քաղաքացիները կստանձնեն մայիսի 26-ը․ Զուրաբիշվիլի
- 5 ՆԱՏՕ-ի և Եվրամիության տեղեկատվական կենտրոնը լուծարվում է
- 6 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
Ըստ կուսակցության՝ լրագրողների արտահայտությունները անձնական գնահատականներ/մեղադրանքներ են, որոնք չեն տարանջատվում փաստերից։ «Հեռարձակողին թույլատրելի չէ լրատվական և հասարակական-քաղաքական հաղորդումներում լուսաբանել արդիական հասարակական քաղաքականության հարցեր՝ հիմնվելով հեռարձակողի անձնական վերաբերմունքի կամ կարծիքի վրա և արտահայտել որևէ քաղաքական կուսակցությանը հակասող դիրքորոշում», - ասվում է բողոքում, որը ստորագրել է կուսակցության նախագահ Իրակլի Կոբախիձեի վստահելի անձը՝ Նաթիա Բոկուչավան։ «Վրացական երազանքը» պահանջում է, որ հաստատվի «Պիրվելի» և «Ֆորմուլա» հեռուստաընկերությունների կողմից օրենքի պահանջների խախտումը և կիրառվի համապատասխան պատժամիջոցներ։
Որպես պատժամիջոց՝ հանձնաժողովը կարող է նախազգուշացում տալ հեռարձակողներին, պարտավորեցնել նրանց ուղղել բովանդակությունը կամ պահանջել դադարեցնել նմանատիպ տերմինների օգտագործումը, տուգանել նրանց, կասեցնել կամ չեղարկել հեռարձակման թույլտվությունը։
«Կարծես թե «Վրացական երազանքը» ամենաշատը մտահոգված է լեգիտիմության հարցով։ Հետևաբար, նրանք խնդրում են Կապի հանձնաժողովին թույլատրել բոլոր արտահայտություններն ու անունները, որոնք ցույց են տալիս Վրաստանի փաստացի կառավարության անօրինականությունը և նաև շոշափում են այս խնդրին վերաբերող կարևոր եզրույթներ։
«Վրացական երազանքը» ցանկանում է, որ մենք լռենք։ Նրանք ցանկանում են, որ մենք չասենք, օրինակ, ռեժիմի բանտարկյալներ։ Նրանք ցանկանում են, որ մենք արգելենք մեզ ասել, որ սա ռեժիմի դատարան է։ Այսինքն՝ լռենք և չասենք, թե ում է դատարանը ենթարկվում։ Նրանք ցանկանում են, որ մենք Շալվա Պապուաշվիլիին չանվանենք ոչ լեգիտիմ խոսնակ։
Նրանք ցանկանում են, որ մենք ինչ-որ Ծուլուկիանիի կամ Սոզար Սուբարիի չանվանենք օլիգարխի պատգամավոր», - ասել է «Ֆորմուլա»-ի հաղորդավարուհի Նինո Ժիժիլաշվիլին։
«Ակնհայտ է, որ սա միայն սկիզբն է... Սա գրաքննություն է, որն ուղղված է լրատվամիջոցների վերջնական ոչնչացմանը, որոնք արդեն իսկ շատ ծանր ֆինանսական վիճակում են։ Ռեժիմը ցանկանում է մեզ վրա գրաքննություն կիրառել։ Իվանիշվիլին սկսել է լրատվամիջոցների փակման վերջնական փուլը», - ասել է հեռուստահաղորդավար Վախո Սանայան։
«Վրացական երազանքը» պահանջում է, որ լրագրողները չօգտագործեն «կլանային դատարան» տերմինը։ Ի՞նչ կապ ունի «Վրացական երազանք» կուսակցությունը դատարանի հետ։ «Վրացական երազանքը» կուսակցություն է, դատարանը՝ անկախ ինստիտուտ։ Նույնիսկ այս մեկ հայցում նրանք թաքցրել են այն փաստը, որ իրենք իրականում մեկ խումբ են, որը զավթել է իշխանությունը այս երկրում։ Մենք կպաշտպանենք մեր իրավունքները և կկարողանանք հանրությանը հասցնել այն լուրերը, որոնք ռեժիմին ամենից շատն է նյարդայնացնում», - ասել է «Պիրվելի» հեռուստաընկերության լրատվական ծառայության ղեկավար Նոդար Մելաձեն։
«Սա գրաքննություն է, սա միջամտություն է խմբագրական անկախությանը, սա ոտնահարում է այն սկզբունքները, որոնք կոչվում են ինքնակարգավորում։ Նպատակն է վնասել վրացական հասարակությանը, որպեսզի այն այլևս երբեք չկարողանա տեղեկատվություն ստանալ», - այսպես է լրագրող Զվիադ Քորիձեն գնահատում «Հեռարձակման մասին» Վրաստանի օրենքում կատարված փոփոխությունները, որոնց համաձայն՝ 2025 թվականի հունիսի 1-ից, բողոք ներկայացնելուց հետո, Կապի հանձնաժողովը կարող է պատժամիջոցներ կիրառել հեռարձակողի նկատմամբ այն հարցերի համար, որոնք նախկինում ինքնակարգավորման շրջանակներում էին։ Այդ հարցերն են՝ փաստերի ճշգրտությունը և պատասխանելու իրավունքը, արդարությունն ու անաչառությունը, լրատվական և հասարակական-քաղաքական հաղորդումները, ծրագրային սահմանափակումները, բողոքները և նախընտրական բանավեճերը։ Հին օրենքի համաձայն՝ Կապի հանձնաժողովը կարող էր պատժամիջոցներ կիրառել հեռարձակողների նկատմամբ միայն այդ հարցերի հետ կապված վեճերում, եթե նրանք հրաժարվեին քննարկել բողոքը։ Նույն օրենսդրական փոփոխություններով հեռարձակողներին արգելվում էր դրամաշնորհներ կամ որևէ ֆինանսական աջակցություն ստանալ դոնոր կազմակերպություններից։
Կապի հանձնաժողովը գլխավորում է Կախա Բեքաուրին՝ «Վրացական երազանքի» հիմնադիր և պատվավոր նախագահ Բիձինա Իվանիշվիլիին պատկանող «9-րդ ալիքի» նախկին տնօրենը։
