Վրաստանում Միացյալ Նահանգների դեսպան Ռոբին Դանիգանը և «Վրացական երազանքի» ԱԳ նախարար Մակա Բոճորիշվիլին հանդիպում են ունեցել Վրաստանի արտաքին գործերի նախարարությունում։
Լրահոս
Ընթերցողի ընտրանի
- 1 Առգրավվել է 7 միլիոն դոլար․ ՊԱԾ-ը՝ Ղարիբաշվիլիի և այլ նախկին բարձրաստիճան պաշտոնյաների տների խուզարկության մասին
- 2 Դեռահասին ծեծի ենթարկելու մեղադրանքով ձերբակալվել է Մառնեուլիի Սակրեբուլոյի անդամի որդին
- 3 Ընդդիմության արգելման վերաբերյալ Սահմանադրական դատարան հայց կներկայացվի հոկտեմբերին
- 4 Կառավարության հրաժարականի պահանջով հոկտեմբերի 26-ին տեղի կունենա բողոքի երթ
- 5 ԿԸՀ. «Վրացական երազանքի» քաղաքապետի թեկնածուները 25 ընտրատարածքներում ստացել են ձայների 100%-ը
«Այսօր դեսպան Դանիգանը հանդիպեց արտգործնախարար Մակա Բոճորիշվիլիին և նրա հետ կիսվեց նախագահ Թրամփի և պետքարտուղար Ռուբիոյի գլխավոր առաջնահերթություններով, ինչպես նաև քայլերով, որոնք Վրաստանը կարող է ձեռնարկել՝ ցույց տալու իր լուրջ վերաբերմունքը Միացյալ Նահանգների հետ հարաբերությունների բարելավման հարցում», - ասվում է դեսպանության հաղորդագրության մեջ:
Հանդիպման մասին տեղեկությունն առաջինը հրապարակել էր արտաքին գործերի նախարարությունը։ Հաղորդագրության համաձայն՝ հանդիպմանը քննարկվել է «համագործակցության օրակարգը և նշվել է, որ երկու երկրների միջև գործընկերությունը, որը հիմնված է ընդհանուր արժեքների և շահերի վրա, պահանջում է դրական դինամիկա, որի պատրաստակամությունը բազմիցս հաստատել է Վրաստանի կառավարությունը»։
«Կողմերը նշել են, որ երկրների միջև տասնամյակների ընթացքում հաստատված ռազմավարական հարաբերությունները լավագույն հիմքն են ապագա համագործակցության խորացման համար։ Հանդիպմանը քննարկվել են նաև տարածաշրջանում և աշխարհում անվտանգության միջավայրն ու մարտահրավերները, ինչպես նաև այս համատեքստում Միացյալ Նահանգների աջակցության և համագործակցության կարևորությունը։ Հանդիպման ավարտին կողմերը պատրաստակամություն են հայտնել ակտիվորեն աշխատել երկու երկրների ռազմավարական համագործակցության ոլորտում առաջընթացի հասնելու համար»,- ասված է հաղորդագրությունում։
2024 թվականի հոկտեմբերին կայացած խորհրդարանական ընտրություններից հետո սա առաջին դեպքն է, երբ ԱՄՆ դեսպանը հանդիպում է «Վրացական երազանքի» կառավարության ներկայացուցչի հետ։ Նոյեմբերի վերջին ԱՄՆ-ը որոշեց դադարեցնել իր ռազմավարական գործընկերությունը Վրաստանի հետ։
