Արդարադատության նախարարությունն ավարտել է նոր քրեակատարողական օրենսգրքի շուրջ աշխատանքները, և նախագիծը շուտով կներկայացվի խորհրդարանին։ Արդարադատության նախարար Ռատի Բրեգաձեն կառավարության նիստից հետո կայացած ճեպազրույցում խոսել է օրենսգրքի հիմնական նորամուծությունների մասին։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
Մեղադրյալին կտրվի երկարաժամկետ տեսակցության իրավունք, որը նախկինում չի եղել:
Բոլոր տեսակի տեսակցությունները կդառնան ամբողջովին անվճար: Այսօր չափահաս դատապարտյալները վճարում են 60 լարի, իսկ անչափահասները՝ 30 լարի:
Բացառությամբ բարձր ռիսկային դատապարտյալների, բոլորը կստանան բարձրագույն կրթություն ստանալու իրավունք, իսկ «Թվային համալսարան» նորարարական նախագիծը հասանելի կդառնա դատապարտյալների լայն զանգվածներին:
Կավելանա հեռախոսային խոսակցությունների քանակը և տևողությունը, ինչը դատապարտյալներին արտաքին աշխարհի հետ շփվելու էլ ավելի մեծ հնարավորություններ կտա:
Դատապարտյալների և մեղադրյալների կենսապայմանները կհավասարեցվեն:
Քրեակատարողական ծառայության բոլոր ստորաբաժանումներին կտրվի հատուկ կարգավիճակ, որը կհավասարեցնի և կբարելավի աշխատողների պայմանները:
Ընդլայնվում է հատուկ կոչում ունեցողների շրջանակը, և բոլոր աշխատողները, բացառությամբ պաշտոնատար և շարքային աշխատողների, կստանան ծառայության տարիների հավելավճար, ինչը դրականորեն կազդի նրանց աշխատավարձի պայմանների վրա։
Վիճակագրության ծառայության տվյալներով՝ 2021 թվականի դրությամբ Վրաստանում կա 9 203 բանտարկյալ, որից 301-ը կանայք են, 8 902-ը՝ տղամարդիկ։ 9 155 բանտարկյալները չափահաս են, 48-ը՝ անչափահաս։
