Վրաստանի խորհրդարանի նախագահ Շալվա Պապուաշվիլին հոկտեմբերի 26-ի խորհրդարանական ընտրությունների նշանակությունը համեմատել է 1991 թվականի մարտի 31-ին կայացած Վրաստանի անկախության վերականգնման հանրաքվեի հետ։
Լրահոս
Ընթերցողի ընտրանի
- 1 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 2 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 3 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 4 Ոչ լեգիտիմ կառավարությունը քայլեր է ձեռնարկում վրաց ժողովրդին հետապնդելու համար․ՀԿ-ներ
- 5 Վրաստանը փոխում է 17 երկրի քաղաքացիների համար մուտքի և երկրում մնալու կանոնները
- 6 Ղարիբաշվիլին հեռացել է քաղաքականությունից. կոռուպցիոն դեպքեր, որոնց մեջ մեղադրում էին նրան
«Երկրի պատմության մեջ հազվագյուտ պահեր կան, երբ որոշիչ է, որ ողջ ժողովուրդը, կինն ու տղամարդը, երիտասարդն ու մեծը, դուրս գան ու իրենց խոսքն ասեն։ Ժամանակակից պատմության մեջ նման օրը, հավանաբար, միայն անկախության հանրաքվեն էր»,- ասել է Պապուաշվիլին Մցխեթայում կայացած նախընտրական հանդիպման ժամանակ՝ հավելելով, որ հոկտեմբերի 26-ին ազգի կյանքում կրկին վճռական պահ է լինելու։
«Ինչպես 1991 թվականի մարտի 31-ին, հիմա էլ պետք է բոլորս մեկ մարդու նման դուրս գանք և ասենք.
Ուզում ենք կառավարե՞լ, թե՞ որ մեզ կառավարեն։
Ուզում ենք գործել մեր շահերից ելնելո՞վ, թե՞ հետևել ուրիշների շահերին:
Ուզում են խաղաղություն և բարգավաճո՞ւմ, թե՞ պատերազմ և ավերածություններ։ Ուզում ենք պատվով շարունակել Վրաստանի պատմությո՞ւնը, թե՞ ուզում ենք, որ մեր երեխաներին միայն գրքերով սովորեցնեն, որ «Վրաստանը ժամանակին մեծ է եղել»։
Ուզում ենք հայրենիք, լեզու, հավատք, թե՞ ուզում ենք, որ վրացիներին ուրիշները բացատրեն, ի՞նչ նկատի ուներ Իլիան։
Ահա թե ինչու հոկտեմբերի 26-ը մեր անկախության երկրորդ հանրաքվեն է, որտեղ յուրաքանչյուրը պետք է իր արժանի խոսքն ասի։ Միայն խաղաղությամբ, արժանապատվությամբ և բարեկեցությամբ՝ դեպի Եվրոպա»,- ասել է խորհրդարանի նախագահը։
Օգոստոսի 21-ին «Վրացական երազանքի» նախընտրական քարոզարշավի շրջանակներում Մցխեթայում տեղի է ունեցել առաջին մարզային հանդիպումը։ Միջոցառմանը, որտեղ մոբիլիզացվել է վարչական ռեսուրս, ելույթ է ունեցել նաև «Վրացական երազանքի» պատվավոր նախագահ Բիձինա Իվանիշվիլին։ Իվանիշվիլին ելույթ է ունեցել ամբիոնից, որը շրջապատված է եղել զրահակայուն ապակիներով, որոնք հատուկ նրա ելույթի համար տեղադրված են եղել բեմում։
