Հայաստանի վարչապետ Նիկոլ Փաշինյանը հայտարարել է, որ «Հավաքական անվտանգության պայմանագրի կազմակերպության» (ՀԱՊԿ) անդամ երկրների «Անքակտելի եղբայրություն-2023» համատեղ զորավարժությունները չեն կայանալու Հայաստանի տարածքում։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 4 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
«Մենք նպատակահարմար համարեցինք զորավարժությունների անցկացումը, քանի որ դրանք վտանգ կստեղծեն թուրք-ադրբեջանական տանդեմի համար։ Կգան, վարժանքներ կանցկացնեն, հետո մենք մենակ կմնանք այս սպառնալիքի դեմ... Ամեն դեպքում, այս տարի Հայաստանում նման զորավարժություններ չեն անցկացվի»,- դեկտեմբերի 10-ին հրավիրված մամուլի ասուլիսում ասել է Փաշինյանը՝ նշելով, որ այս մասին ՀՀ ՊՆ-ն արդեն գրավոր դիմել է Հավաքական անվտանգության պայմանագրի կազմակերպության միացյալ շտաբին։
ՀԱՊԿ-ի քարտուղարությունը, որը գտնվում է Մոսկվայում, պնդում է, որ իրենք դեռ պաշտոնական ծանուցում չեն ստացել Հայաստանի տարածքում զորավարժությունների չեղարկման մասին։ Մամուլի քարտուղար Վլադիմիր Զայնետդինովն ասել է, որ այս տարի Հայաստանի տարածքում այս զորավարժությունների անցկացման անհրաժեշտությունը հաստատվել է ավելի վաղ՝ Երևանում։
«Առայժմ ՀԱՊԿ քարտուղարությունը հայկական կողմից պաշտոնական ծանուցում չի ստացել կազմակերպության կողմից սահմանված կարգով այդ զորավարժությունները չեղարկելու մասին։ Մենք հասկանում ենք Հայաստանի Հանրապետությունում տիրող իրավիճակը, որը կարող է թույլ չտալ, որ այս տարի ՀԱՊԿ-ի կողմից ծրագրված խաղաղարար զորավարժություններն ամբողջությամբ անցկացվեն»,- լրագրողներին ասել է Զայնետդինովը։
Անցյալ տարվա նոյեմբերին, երբ Երևանում անցկացվում էր «Հավաքական անվտանգության պայմանագրի կազմակերպության» գագաթնաժողովը, Փաշինյանը հրաժարվեց ստորագրել գագաթնաժողովից հետո ընդունված հռչակագիրը, ինչպես նաև Հայաստանին օգնելու համատեղ միջոցառումների մասին փաստաթուղթը։ Իր որոշումը Փաշինյանը բացատրել է նրանով, որ ՀԱՊԿ-ը «հստակ քաղաքական գնահատական» չի տալիս Հայաստանի տարածքային ամբողջականության դեմ Ադրբեջանի «ագրեսիային»։ Ըստ Հայաստանի վարչապետի՝ «սա մեծ վնաս է հասցնում ՀԱՊԿ իմիջին թե՛ մեր երկրի ներսում, թե՛ դրսում»։
«Հավաքական անվտանգության պայմանագրի կազմակերպությունը» ստեղծվել է 1992 թվականին: Այսօր կազմակերպության անդամ են Ռուսաստանը, Բելառուսը, Ղազախստանը, Ղրղզստանը, Տաջիկստանը և Հայաստանը։ Համաձայնագիրը նախատեսում է փոխադարձ օգնություն հակամարտությունների կարգավորման, բնական աղետների հետևանքների դեմ պայքարի և արտաքին, այդ թվում՝ ռազմական սպառնալիքների ետ մղման գործում։ Հավաքական խաղաղապահ ուժերը ամեն տարի համատեղ վարժանքներ են անցկացնում։ Հունվարի 1-ին Ռուսաստանի պաշտպանության նախարարությունը հայտարարում էր, որ ՌԴ ցամաքային զորքերի ստորաբաժանումները կմասնակցեն Հայաստանում նախատեսված «Անքակտելի եղբայրություն-2023» զորավարժություններին:
