Հատուկ քննչական ծառայությունը տեղեկություն է ստացել Թբիլիսիում նոյեմբեր-դեկտեմբերին տեղի ունեցած ցույցերի ժամանակ ոստիկանների կողմից բռնության զոհ դարձած կամ լրագրողական գործունեությանը խոչընդոտած 319 անձանց մասին։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
Նախաքննությունը տարվում է Քրեական օրենսգրքի 333-րդ հոդվածի 3-րդ մասի «Բ» ենթակետով և 154-րդ հոդվածի 2-րդ մասով, ինչը ենթադրում է ոստիկանության կողմից պաշտոնեական լիազորությունները չարաշահելը և պաշտոնեական կարգավիճակի օգտագործումը՝ լրագրողի մասնագիտական գործունեությանը ապօրինի խոչընդոտելու համար։
«Թեժ գծով, ինչպես նաև Հանրային պաշտպանի գրասենյակից, ԶԼՄ-ների օմբուդսմենից և ժամանակավոր մեկուսարաններից գրասենյակը ծանուցում է ստացել 319 անձանց իրավունքների խախտման վերաբերյալ, որոնց թվում կան և՛ ցուցարարներ, և՛ լրատվամիջոցների ներկայացուցիչներ։
Ծառայությունը կշարունակի ստանալ ծանուցումներ։ Յուրաքանչյուր հաղորդագրությանն արվում է արագ իրավական պատասխան՝ առավելագույնս օգտագործելով ծառայության առկա ռեսուրսները»,- նշված է Հատուկ քննչական ծառայության հաղորդագրությունում։
Գերատեսչության տվյալներով՝ հետաքննության սկզբից քննչական մարմնում, ժամանակավոր տեղաբաշխման մեկուսարաններում և բժշկական կլինիկաներում հարցաքննվել է 140 մարդ, այդ թվում՝ 5 լրագրող, բուժզննում է անցել 42 քաղաքացի։
«Իրավապահներին հարցաքննելու նպատակով ՆԳՆ ժամանակավոր տեղաբաշխման վարչությունից հավաքագրվում են վարչական կալանքի արձանագրություններն ու բժշկական փաստաթղթերը։
Ծառայությունը բոլոր այն անձանց, ովքեր մատնանշում են իրավապահների և նրանց պաշտպանների կողմից իրենց իրավունքների խախտումը, հնարավորություն է ընձեռում ծանոթանալ քրեական գործերին և գործի նյութերին»,- հայտնում են Հատուկ քննչական ծառայությունից։
Թբիլիսիում՝ Ռուսթավելիի պողոտայում, բողոքի ցույցերը շարունակվում են նոյեմբերի 28-ից։ Քաղաքացիները բողոքում են Վրաստանի եվրաինտեգրման գործընթացը կասեցնելու «Վրացական երազանքի» որոշման դեմ։ Մեկ շաբաթվա ընթացքում ՆԳՆ-ն ձերբակալել է ցույցի ավելի քան 300 մասնակիցների։ Նրանց մեծ մասը դաժան ծեծի է ենթարկվում ոստիկանական ուժերի կողմից։
