Շրջակա միջավայրի ազգային գործակալության տվյալներով՝ միջազգային նշանակության Մցխեթա-Ստեփանծմինդա-Լարս ավտոճանապարհի Գուդաուրի (Փոստա)-Կոբի հատվածում ձնահոսքի վտանգի աստիճանը բարձր է, ինչի պատճառով նշված հատվածում արգելվել է բոլոր տեսակի տրանսպորտային միջոցների երթևեկությունը։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
Առատ ձյան և ցածր ջերմաստիճանի պատճառով սահմանափակումներ են գործում Գոմի-Սաչխերե-Ճիաթուրա-Զեստափոնի ավտոճանապարհի Գոմի-Սաչխերե հատվածում, որտեղ արգելված է կցորդով և կիսակցորդով տրանսպորտային միջոցների երթևեկությունը: Այլ տեսակի տրանսպորտային միջոցների տեղաշարժն ազատ է։
Առատ ձյան պատճառով Սաչխերե (Սարեկի)-Ուզունթա-Շքմերի-Զուդալի ավտոճանապարհին արգելվում է կցորդով և կիսակցորդով ավտոմեքենաների երթևեկությունը։
Ձյան և սպասվող ձնահոսքի վտանգի պատճառով Ժինվալի-Բարիսախո-Շատիլի ավտոճանապարհի Կորշա-Բիսո հատվածում արգելված է բոլոր տեսակի ավտոմեքենաների տեղաշարժը։
Քութայիսի (Ծղալտուբո շրջադարձ)-Ծղալտուբո-Ցագերի-Լենտեխի-Լասդիլ ավտոճանապարհի Մելե-Լասդիլ հատվածում բոլոր տեսակի տրանսպորտային միջոցների երթևեկությունն արգելված է։ Նույն ավտոճանապարհի Ճվելիերի-Մելե հատվածում կցորդներով և կիսակցորդներով տրանսպորտային միջոցների երթևեկությունն արգելված է։
Զուգդիդի-Ջվարի-Մեստիա-Լասդիլ ավտոճանապարհի Ջվարի-Ուշգուլի հատվածում արգելվում է կցորդների, կիսակցորդների և ավելի քան 30 նստատեղ ունեցող ավտոբուսների տեղաշարժը։ Խաիշի-Ուշգուլի հատվածում թեթև տրանսպորտային միջոցների երթևեկությունը թույլատրվում է հակասողանքային շղթաներով։ Ամենագնաց մեքենաների (երկու և ավելի շարժման կամուրջներով) տեղաշարժն ազատ է։
Շրջակա միջավայրի ազգային գործակալության տեղեկատվության համաձայն՝ փետրվարի 6-ից արևելյան Վրաստանում, 7-ից՝ Արևմտյան Վրաստանում մինչև փետրվարի 8-ի առավոտ սպասվում են տեղումներ, առատ ձյուն, լեռներում և բարձրադիր վայրերում մառախուղ և բուք, ծովում 3-4 բալանոց փոթորիկ, ավտոճանապարհներին մերկասառույց, իսկ լեռնային շրջաններում կա ձնահոսքի վտանգ:
