Խորհրդարանի նախագահ Շալվա Պապուաշվիլին Պետական աուդիտի ծառայության գլխավոր աուդիտորի պաշտոնում առաջադրել է ֆինանսների փոխնախարարի պաշտոնակատար Ցոտնե Կավլաշվիլիի թեկնածությունը։ Գլխավոր աուդիտորի թեկնածուի առաջադրումը խորհրդարանի նախագահի բացառիկ իրավասությունն է։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
«Ցոտնե Կավլաշվիլին երկար տարիներ աշխատել է ֆինանսների նախարարությունում, պրոֆեսիոնալ և բարեխիղճ քաղաքացիական ծառայողի օրինակ է։ 15 տարվա ընթացքում նա անցել է հանրային ծառայության բոլոր մակարդակները՝ շարքային մասնագետից մինչև փոխնախարար։ Փոխնախարարի պաշտոնում նա ղեկավարել է աուդիտորական աշխատանքները և խորապես տիրապետում է այս ոլորտին։ 2013 թվականից նա միաժամանակ պետական գանձարանի ղեկավարն է»,- ասել է Պապուաշվիլին։
Գլխավոր աուդիտորի ընտրության քվեարկությունը կանցկացվի հաջորդ շաբաթ։
Գործող գլխավոր աուդիտոր Իրակլի Մեքվաբիշվիլիի պաշտոնավարման ժամկետը լրանում է սեպտեմբերի 20-ին։
Պետական աուդիտի ծառայությունը անկախ աուդիտորական մարմին է։ Նրա հիմնական գործառույթներն են հանրային աուդիտի իրականացումը, բյուջեի կատարման և ծախսերի վերահսկումը, կուսակցությունների ֆինանսական գործունեության մոնիտորինգը:
Լաշա Թորդիան, ով 2012-2017 թվականներին ղեկավարել է Պետական աուդիտի ծառայությունը, օրեր առաջ ԱՄՆ-ի կողմից ստացել է քաղաքական փախստականի կարգավիճակ։
