Գերմանիայի արտաքին գործերի նախարարությունը մուտքի արգելք է սահմանել վրացի պաշտոնյաների դեմ, ովքեր պատասխանատու են Վրաստանում ցուցարարների նկատմամբ ահաբեկման, կալանավորման և բռնության համար։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
«Շուրջ 3 ամիս վրաց ժողովուրդը պայքարում է իր ապագայի համար Եվրոպական միությունում և վրացական ղեկավարության կուրսի դեմ: Նրանք շարունակում են բախվել ահաբեկումների, ձերբակալությունների և բռնությունների: Այսօր Գերմանիան լրացուցիչ մուտքի արգելք է սահմանել այդ կոշտ միջոցների համար պատասխանատու վրացի պաշտոնյաների դեմ», - ասվում է նախարարության հայտարարության մեջ:
Գերմանիան արդեն երկրորդ անգամ է վիզային պատժամիջոցներ սահմանում։ 2024 թվականի դեկտեմբերի 31-ին Գերմանիան արգելեց Վրաստանում խաղաղ ցուցարարների և ընդդիմության ներկայացուցիչների նկատմամբ բռնության համար պատասխանատու 9 անձանց մուտքը երկիր։
Վրաստանում զանգվածային բողոքի ցույցերը սկսվել են նոյեմբերի 28-ին այն բանից հետո, երբ «Վրացական երազանքի» վարչապետ Իրակլի Կոբախիձեն հայտարարեց, որ Վրաստանը Եվրոպական միությանն անդամակցելու բանակցությունների մեկնարկի հարցը օրակարգ չի մտցնի մինչև 2028 թվականի վերջը։
