Դեկտեմբերի 6-7-ը Թբիլիսիում տեղի ունեցած բողոքի ցույցի ժամանակ վարչական կարգով ձերբակալվել է 48 մարդ։ ՆԳ նախարարությունը նրանց մեղադրում է ոստիկանի պահանջին չենթարկվելու և մանր խուլիգանության մեջ։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 3 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
ՆԳՆ հայտարարության համաձայն՝ խորհրդարանի մոտ բողոքի ակցիայի մասնակիցներից մի քանիսի գործողությունները բռնի բնույթ են ստացել, ինչի արդյունքում, ըստ ՆԳՆ-ի, վիրավորվել է իրենց աշխատակիցներից մեկը։
«Բանավոր բռնության են ենթարկվել նաև ոստիկանության աշխատակիցները, նրանց վրա քարեր և տարբեր ծանր առարկաներ են նետվել։ Հանրահավաքի մասնակիցները, չնայած իրավապահների՝ բողոքը խաղաղ ձևով արտահայտելու բազմաթիվ կոչերին, շարունակել են գործել օրենքի դեմ, ինչից հետո ՆԳՆ-ն ձեռնարկել է օրենքով նախատեսված միջոցներ, այդ թվում՝ կիրառելով օրենքով թույլատրված հատուկ միջոցներ»,- ասված է ՆԳՆ հայտարարության մեջ։
Ժամը 00:30-ի սահմաններում Ռուսթավելիի պողոտայում ոստիկանական ուժերը սկսել են ցրել հանրահավաքը։ Հանրային պաշտպանի և «Վրաստանի երիտասարդ իրավաբանների ասոցիացիայի» գնահատմամբ՝ ցրելու իրավական հիմք չի եղել, քանի որ ակցիան խաղաղ բնույթ է ունեցել։ Միաժամանակ հատուկ ջոկատայիններն ու ոստիկանները բերման են ենթարկել քաղաքացիների։ Բացի Ռուսթավելիի պողոտայից, հատուկ ջոկատայիններ են տեղակայվել նաև Հանրապետության հրապարակում, որտեղ ևս մի քանի մարդ է ձերբակալվել։
Ռուսթավելիի պողոտայի ակցիան ցրելուց հետո ցուցարարները տեղափոխվել են Հերոսների հրապարակ, որի ժամանակ աջ գետափին նրանց վրա են հարձակվել, հավանաբար, «Վրացական երազանքի», այսպես կոչված Տիտուշկաները։ Ներքին գործերի նախարարությունը նշում է, որ հանրահավաքի մասնակիցները սահմանափակել են ճանապարհի երթևեկությունը և «կոնֆլիկտի մեջ են մտել մեքենայի ուղևորների հետ, որոնք ներկայացնում էին պաշտպանվող անձանցից մեկի անձնական պաշտպանությունը»։
