Թբիլիսիի քաղաքային դատարանը ժամանակավոր արգելք է սահմանել ԱՄՆ-ից Վրաստան ծանրոցներ տեղափոխող USA2GEORGIA ընկերության վրա՝ հօգուտ սպառողների։ Եթե հաճախորդը 30 օրվա ընթացքում չվճարի Վրաստանի պահեստում պահպանման ծախսերը և չհանի փաթեթը, ապա ավտոմատ կերպով չի կորցնի դրա սեփականության իրավունքը։ Ընկերությանը արգելվել է օտարել ծանրոցում առկա ապրանքները կամ թողնել իր տնօրինության տակ։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 4 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
Ազգային մրցակցության գործակալությունը դեկտեմբերին սկսել է USA2GEORGIA-ի կողմից սպառողների իրավունքների հնարավոր ոտնահարման հետաքննությունը։ Օգտատերերի խոսքով՝ փոխադրող ընկերությունն առանց նախազգուշացնելու և իրենց տեղյակ պահելու փոխել է քաշի հաշվարկման եղանակը և իրական քաշի փոխարեն օգտագործել ծավալային քաշի հաշվարկման բանաձևը, ինչը կտրուկ բարձրացրել է արժեքը։ Բացի այդ, ինչպես նշում են օգտատերերը, USA2GEORGIA-ն առցանց խանութների կողմից Ամերիկայի Միացյալ Նահանգներ առաքված իրերը ուշ է ցուցադրել կայքում, ինչի արդյունքում սահմանափակվել է վերափաթեթավորման ծառայությունից օգտվելու նրանց իրավունքը։
Հունվարի 16-ի դրությամբ USA2GEORGIA-ի դեմ 107 դիմում է ներկայացվել Ազգային մրցակցության գործակալություն, 58 գործ գտնվում է նախաքննության փուլում։ Գործակալությունը պատրաստվում է վերջնական որոշումը հրապարակել հունվարի վերջին։ Դատարանի ժամանակավոր արգելքի միջոցը կգործի մինչև վերջնական որոշման կայացումը։
USA2GEORGIA-ից, որը սպասարկում է մինչև 500 000 հաճախորդի, բացատրել են, որ փոխադրման արժեքի հաշվարկման եղանակը փոխվել է 2022 թվականի նոյեմբերի 24-ից և վերադարձել միջազգային ստանդարտին, ինչը նշանակում է, որ ծանրոցների տեղափոխման արժեքը հաշվարկվում է ոչ թե իրական քաշով, այլ ըստ ծավալային քաշի (երկարություն * լայնություն * բարձրություն) / 6000 սմ):
Ընկերությունից հայտնում են, որ եթե ծանրոցի ծավալային քաշը մեծ է իրական քաշից, ապա տեղափոխման արժեքը հաշվարկվում է ելնելով ծավալային քաշից։ Բացի այդ, USA2GEORGIA-ն վերադարձրել է իր վերափաթեթավորման (ծանրոցների չափի փոքրացման) ծառայությունը։ «Մինչև 10 կգ քաշով ծանրոցների դեպքում վերափաթեթավորման ծառայությունը յուրաքանչյուր ծանրոցի համար կազմում է 2 դոլար, իսկ 10 կգ-ից ավելի ծանրոցների վերափաթեթավորման դեպքում՝ 10 դոլար», - նշել են ընկերությունից։
