Գիորգի Օկմելաշվիլին, ով ձերբակալվել էր ռուսական օրենքի ընդունման դեմ բողոքի ակցիայի ժամանակ ոստիկանի վրա հարձակվելու մեղադրանքով, դատապարտվել է 5 տարվա ազատազրկման։ Այսօր՝ փետրվարի 3-ին, դատավոր Գիորգի Գելաշվիլին հրապարակել է մեղադրական դատավճիռը։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 4 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
Գովազդային «Լիմոն» ընկերության տնօրեն Գիորգի Օկմելաշվիլին անցյալ տարվա գարնանը մասնակցել է «օտարերկրյա գործակալների» մասին օրենքի ընդունման դեմ ընթացող ցույցերին։ Նա ձերբակալվել է մայիսի 15-ին՝ իր տանը և աշխատասենյակում խուզարկությունից հետո։
Գործի նյութերի համաձայն՝ մայիսի 13-ին խորհրդարանի մոտ տեղի ունեցած ցույցի ժամանակ Գիորգի Օկմելաշվիլին արմունկով և բռունցքով հարվածել է ոստիկանների դեմքին։ Դատախազությունը Օկմելաշվիլիին մեղադրանք է առաջադրել ՔՕ 353-րդ հոդվածի 1-ին մասով, որը վերաբերում է ծառայողական պարտականությունները կատարելիս ոստիկանի վրա հարձակում գործելուն։ Հանցագործությունը պատժվում է ազատազրկմամբ՝ 4-ից 7 տարի ժամկետով։
Գիորգի Օկմելաշվիլին նույնպես համաձայն չէ մեղադրանքների հետ։
«Մեզ բռնության ենթարկողները ոստիկաններ են եղել, թե ոչ, ես չգիտեմ։ Եթե նայեք տեսանյութերը, կտեսնեք, որ ամբողջ օրը սևազգեստ մարդիկ խախտում էին գիծը, խմբերով մոտենում և սկսում ֆիզիկական բռնության ենթարկել մեզ։ Հետո նորից հետ էին գնում, տանում մեր ժողովրդին, մեր ժողովրդին նկատի ունեմ ցուցարարներին, հետո այնտեղ տասնապատիկ ծեծում էին։ Այս խառնաշփոթի մեջ, հավանաբար տեղի է ունեցել այն, ինչ տիկին Անին [դատախազ Անի Խուբեջաշվիլին] անվանում է հարձակում»,- հունվարի 15-ին կայացած դատավարության ժամանակ ասել է Գիորգի Օկմելաշվիլին։
Դատախազությունը Օկմելաշվիլիին մեղադրանք է առաջադրել նաև ՔՕ 260-րդ հոդվածի 1-ին մասով (թմրամիջոցների պահում), թեև վերոհիշյալ հոդվածի վրա ազդել է խորհրդարանի ընդունած համաներման օրենքը։
Գիորգի Օկմելաշվիլիի դատավճռի հրապարակմանը հաջորդել են աղմուկն ու «ստրուկ» վանկարկումները։ Պաշտպանական կողմը վճիռը կբողոքարկի Վերաքննիչ դատարանում։
Փաստաբան Կոբա Բարամիայի խոսքով՝ դատավոր Գիորգի Գելաշվիլին վաղուց է որոշում կայացրել, և դրա հրապարակումը մինչ այժմ արհեստականորեն հետաձգվել է միայն այն պատճառով, որ հինգերորդ նախագահ Սալոմե Զուրաբիշվիլին չկարողանա ներում շնորհել դատապարտյալին մինչև իր լիազորությունների ավարտը։
