Բյուջետային «Իզիջետ» ավիաընկերությունը Թբիլիսիից չվերթներ կիրականացնի Լոնդոնի, Ժնևի և Միլանի ուղղությամբ

Ապրիլի 1-ից ուղիղ չվերթները դեպի Լոնդոնի Լուտոն և Միլանի Մալպենսա օդանավակայաններ կսկսվեն շաբաթական երկու հաճախականությամբ։ Ավիատոմսերն արդեն հնարավոր է գնել ավիաընկերության կայքում՝ www.easyjet.com:

Վրաստանի օդանավակայանների միության գլխավոր տնօրեն Իրակլի Քարքաշաձեն ասել է, որ թռիչքները բավականին մատչելի կլինեն ճանապարհորդների համար։

«Հուսով ենք, որ Մեծ Բրիտանիայից, Շվեյցարիայից և Իտալիայից ուղևորահոսքը և միջազգային այցելուների թիվը ապագայում զգալիորեն կավելանա»,- նշել է Քարքաշաձեն։

Բացի այդ, 2025 թվականի մարտի 30-ից, շաբաթական չորս անգամ, ուղիղ կանոնավոր չվերթներ կիրականացվեն Լոնդոն-Թբիլիսի-Լոնդոն ուղղությամբ՝ Միացյալ Թագավորության ֆլագման՝ British Airways-ի կողմից։