Բուլղարիայում` Բուրգասի նավահանգիստներից մեկում, մոտ 38 մլն դոլար արժողությամբ 436 կիլոգրամ հերոին է հայտնաբերվել Բաթումիից ժամանած նավի վրա գտնվող բեռնատարի մեջ։ Պաշտոնապես հայտարարագրված բեռի ներսում թաքցված է եղել պոլիէթիլենային 434 փաթեթներով բաժանված թմրանյութ։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
Բուլղարիայի դատախազության տվյալներով՝ բեռնատարը ցամաքային ճանապարհով Ղրղզստանից Վրաստան է մտել հուլիսի վերջին, որից հետո Բաթումիի նավահանգստից տեղափոխվել է Բուլղարիա։ Բուլղարիայից նա պետք է ժամաներ Հունաստան՝ Ալեքսանդրուպոլիս։
«Խոսքը հերոինի մաքսանենգության մասին է, այսպես կոչված կովկասյան ճանապարհով»,- ասել է թմրամիջոցների ապօրինի շրջանառության դեմ պայքարի վարչության պետ Ստեֆան Բակալովը։
Թմրանյութը հայտնաբերվել է այն բանից հետո, երբ մաքսավորները ստուգել են բեռնատարը նավահանգստում անսովոր երկար մնալուց հետո: Փաստաթղթերի համաձայն՝ նա տեղափոխում էր 4 մալուխային մեքենա, սակայն ռենտգեն հետազոտությամբ մեքենաների մեջ հայտնաբերվել են խոռոչներ, որոնցում դրված է եղել թմրանյութը։
Դատախազությունը գործի առնչությամբ ոչ ոքի չի ձերբակալել։ Տեղական լրատվամիջոցների փոխանցմամբ՝ Բուլղարիայում թմրանյութերի ապօրինի շրջանառությունը պատժվում է 15-ից 20 տարվա ազատազրկմամբ։
Վրաստանի իրավապահ մարմինները չեն արձագանքում Բուլղարիայի դատախազության տարածած տեղեկատվությանը։
