Հարձակման է ենթարկվել «Գիրչի՝ ավելի շատ ազատություն» կուսակցության առաջնորդ Զուրաբ Ջափարիձեն։ Այս մասին տեղեկությունը տարածել է կուսակցության անդամներից Անա Կուրաշվիլին։ Ինչպես գրում է նա Ֆեյսբուքում, դեպքը տեղի է ունեցել առավոտյան Գորիում։
Լրահոս
Ընթերցողի ընտրանի
- 1 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 2 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 3 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 4 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 Ոչ լեգիտիմ կառավարությունը քայլեր է ձեռնարկում վրաց ժողովրդին հետապնդելու համար․ՀԿ-ներ
«Գնում էինք ճամբար, կանգ առանք Գորիի Սմարթում, աղջիկները մտան խանութ, ու այդ ժամանակ մեքենայի մեջ մենակ նստած Ջափարիձեի վրա հարձակվեց մի խելագար։ Ամեն ինչ շատ արագ կատարվեց։ Զուրան վնասվածք ունի աչքի շրջանում։ Վտանգավոր է այս երկրում ապրելը»,- գրել է Անա Կուրաշվիլին Ֆեյսբուքում, իսկ գրառման տակ գտնվող մեկնաբանություններում նշել. «Բացել է մեքենայի դուռը, ասել՝ ինչպես կարելի է այդպես խոսել պատրիարքի մասին ու հարվածել նրան»։
Ինքը՝ Զուրաբ Ջափարիձեն, հաստատել է տեղեկությունը։ Նրա խոսքով՝ իրեն լավ է զգում։
Այս պահին հայտնի չէ՝ արդյոք ՆԳՆ-ն հետաքննություն է սկսել։ Կուսակցությունը հայտարարել է, որ հարձակումից հետո վերադարձել են Թբիլիսի, իսկ Զուրաբ Ջափարիձեն գտնվում է ոստիկանական բաժանմունքում։
