Հանրային հեռարձակող «Առաջին ալիքի» աշխատակիցների մի մասը ղեկավարությունից պահանջում է, որ օրվա եթերը տրամադրվի ոչ թե ֆիլմերին, այլ հասարակական-քաղաքական հարցերի քննարկումներին։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
Այսօր՝ դեկտեմբերի 23-ին, տարբեր խմբագրությունների ներկայացուցիչները հեռարձակողի շենքի աստիճանների վրա ասուլիս են հրավիրել։ Նրանց խոսքով, հեռուստատեսությամբ, որը մարզերում տեղեկատվության ամենահասանելի աղբյուրն է, հեռուստադիտողը դիտում է սերիալներ, արտասահմանյան վավերագրական և գեղարվեստական ֆիլմեր։
«Հանրային հեռարձակողի ղեկավարության եթերը բացելուց հրաժարվելու հիմնական պատճառը տեխնիկական է, բայց մենք գիտենք և հավատում ենք, որ եթե լինի վճռականություն, եթե լինի կամք, տեխնիկապես հնարավոր կլինի օրվա մի քանի ժամով եթեր ապահովել», - ասել է լրագրող Թամար Մշվենիերաձեն։
«Մոամբեի» հաղորդավար Վասիլ Իվանով-Չիքովանիի կարծիքով՝ այն փաստարկը, որ հանրային հեռարձակողը տեխնիկապես ի վիճակի չէ կատարել որևէ խնդիր, չի դիմանում քննադատությանը։
«Այսօր «Առաջին ալիքի» լրատվական և ընթացիկ բլոկի խմբագրական քաղաքականությունը չի արձագանքում հասարակության խնդիրներին և կարիքներին։ «Առաջին ալիքը» հայտնում է, որ հեռարձակվում ենք արտակարգ ռեժիմով։ Միակ դեպքը, երբ Վրաստանի հանրային հեռարձակողն անցնում է արտակարգ ռեժիմի, երկրում արտակարգ դրություն պետք է լինի հայտարարված։ Մնացած դեպքերում հանրային հեռարձակողն աշխատում է սովորական ռեժիմով։
Մենք ունենք նոր ծրագրեր ստեղծելու հնարավորություն, ունենք դրա համար մարդկային ռեսուրսներ, նյութատեխնիկական բազա։ Միակ բանը, որ չունենք, խնդիրները դնելու կամքն ու վճռականությունն է, և մենք պատրաստ ենք հնարավորինս սեղմ ժամկետում կատարել այդ խնդիրները»,- ասել է Չիքովանին։
«Առաջին ալիքի» աշխատակիցներն ասում են, որ պահանջում են բացել ցերեկային հեռարձակումը այն բանից հետո, երբ «Վրացական երազանքը» նոյեմբերի 28-ին հայտարարեց երկրի՝ ԵՄ անդամակցության գործընթացը կասեցնելու որոշման մասին։
Դեկտեմբերի սկզբին բողոքի ակցիայի արդյունքում հանրային հեռարձակողը հայտարարեց «արտակարգ եթեր», որը սկսվում է ժամը 22:00-ին և նվիրված է եվրոպամետ ակցիաներին։ Այսպես կոչված հատուկ եթերում հայտնվում են հանրահավաքների մասնակիցները, քաղաքագետները, քաղաքացիական ակտիվիստներն ու քաղաքական գործիչները, ովքեր նախկինում չէին հրավիրվում «Առաջին ալիք»։ Ալիքի ներկայացուցիչները հերքում են «սև ցուցակների» առկայությունը։
