Համաներդրումների հիմնադրամի նախկին գլխավոր տնօրեն Գիորգի Բաչիաշվիլիի գործով դատախազ Միխեիլ Սադրաձեն հայտարարել է, որ Բաչիաշվիլիի երկրից հեռանալու փաստով հետաքննություն է սկսվելու։
Լրահոս
Ընթերցողի ընտրանի
- 1 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 2 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 3 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 4 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
«Այս տեղեկությունը նոր մեզ հայտնի դարձավ սոցցանցերի միջոցով։ Նրա նկատմամբ որպես խափանման միջոց է կիրառվել գրավը, ինչպես նաև լրացուցիչ միջոցներ, որոնք ներառում են առանց նախապես ծանուցելու և մեղադրող կողմի համաձայնության պետական սահմանը հատելու արգելքը։ Նրա անձնագրերն առգրավվել են։
Փաստացի իրողությունն այն է, ինչ ունենք։ Սա ուսումնասիրություն է պահանջում, ինչը նշանակում է, որ այդ ուղղությամբ անպայման հետաքննություն կսկսվի»,- ասել է Սադրաձեն։
Թբիլիսիի քաղաքային դատարանում, այսպես կոչվածը, բիթքոյնի գործով հաջորդ նիստից առաջ Գիորգի Բաչիաշվիլին Facebook-ում գրել է, որ լքել է Վրաստանը։
«Իմ դեմ հարուցված ևս մեկ շինծու, հնացած և անօրինական գործընթացը ևս մեկ անգամ հաստատում է, որ Իվանիշվիլիի դատարանն այլևս գոյություն չունի Վրաստանում։ [...] Բանտում ես բացարձակապես անպաշտպան կմնայի Իվանիշվիլիի դահիճների առջև... բանտում, որտեղ Իվանիշվիլին սպառնում էր ինձ ճզմել»,- գրում է Բաչիաշվիլին՝ նշելով, որ երկրից հեռանալը «նահանջ չէ, այլ միակ ողջամիտ լուծումը»։
Փաստաբան Լևան Մախարաշվիլիի խոսքով՝ Գիորգի Բաչիաշվիլիի որոշումը իրեն անհայտ է եղել, և նա նրա հետ շփվել է գրառման հրապարակումից հետո։ Փաստաբանն ասում է, որ չգիտի, թե որ երկրում է Բաչիաշվիլին, սակայն համաձայնում է ցուցմունք տալ հեռակա կարգով։
Դեռ հայտնի չէ՝ արդյոք դատախազությունը կպահանջի փոխել Գիորգի Բաչիաշվիլիի խափանման միջոցը և դատապարտել ազատազրկման։
Գիորգի Բաչիաշվիլիին մեղադրանք է առաջադրվել երկու գործով։ 2023 թվականից դատախազությունը նրան մեղադրում է 39 215 820 դոլար արժողությամբ բիթքոյն յուրացնելու մեջ՝ հիմնվելով «Վրացական երազանքի» պատվավոր նախագահ Բիձինա Իվանիշվիլիի դիմումի վրա։ Մեղադրանքը հաստատվելու դեպքում Իվանիշվիլիի նախկին գործարար գործընկերոջը սպառնում է 9-ից 12 տարվա ազատազրկում:
Օրեր առաջ Բաչիաշվիլիին մեղադրանք է առաջադրվել, այսպես կոչված, Մտկվարի ՀԷԿ-ի գործով։ Տվյալ գործով նա մեղադրվում է ծառայողական պարտականությունները չկատարելու կամ ոչ պատշաճ կատարելու մեջ, ինչը ենթադրում է ազատազրկում 2-ից 5 տարի ժամկետով։ Դատախազության տվյալներով՝ Բաչիաշվիլին պատշաճ կերպով չի գնահատել ռիսկերը և միջոցներ չի ձեռնարկել վտանգներից խուսափելու համար, ինչի արդյունքում Մտկվարի ՀԷԿ-ի կառուցման արժեքը մոտ 140 միլիոն դոլարից հասել է 240 միլիոնի։ Պետական մեղադրող կողմը պնդում է, որ դա վնաս է հասցրել ներդրողի, այսինքն՝ Բիձինա Իվանիշվիլիի շահերին։
