Ադրբեջանի նախագահ Իլհամ Ալիևը ցրել է Միլլի Մեջլիսը (Խորհրդարանը) և սեպտեմբերի 1-ին նշանակել արտահերթ խորհրդարանական ընտրություններ։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
Ալիևին խորհրդարանը ցրելու նախաձեռնությամբ դիմել է իշխող «Նոր Ադրբեջան» կուսակցության ղեկավարությունը։ Կուսակցության խորհրդի փոխնախագահ Թաիր Բուդագովի կարծիքով՝ խորհրդարանական ընտրությունների օրվա փոփոխությունը թելադրված է նրանով, որ այս տարվա նոյեմբերին, երբ պետք է անցկացվեին ընտրությունները, նախատեսվում է ՄԱԿ-ի Կլիմայի փոփոխության շրջանակային կոնվենցիայի Կողմերի համաժողովը և այլ խոշոր միջազգային միջոցառումներ:
«Մենք կարծում ենք, որ այս գործոնները հաշվի առնելով՝ կարևոր է ապահովել խորհրդարանի լիարժեք գործունեությունը այս ընթացքում»,- հավելել է Բուդագովը։
Ադրբեջանի սահմանադրության համաձայն՝ նախագահն իրավունք ունի ցրել խորհրդարանը և նշանակել խորհրդարանական ընտրություններ։ Սահմանադրական դատարանի պլենումը քննարկել և որոշել է, որ Իլհամ Ալիևի որոշումը համապատասխանում է Սահմանադրությանը։
Ադրբեջանի խորհրդարանը բաղկացած է 125 պատգամավորից, որոնք ընտրվում են հինգ տարի ժամկետով։ Գործող խորհրդարանը ձևավորվել է 2020 թվականի փետրվարի 9-ի ընտրությունների արդյունքներով։
