Պետական անվտանգության ծառայության հակաահաբեկչական կենտրոնը Թբիլիսիի միջազգային օդանավակայանում ձերբակալել է Վրաստանի քաղաքացի, Պանկիսիի կիրճի Օմալո գյուղի բնակիչ՝ Ցիսկարա Տոխոսաշվիլիին։ Նրա նկատմամբ հետաքննություն է ընթանում քրեական օրենսգրքի 328-րդ հոդվածով, որը ենթադրում է օտարերկրյա ահաբեկչական կազմակերպությանն անդամակցելն ու ահաբեկչական գործունեությանն աջակցելը։ Հանցագործությունը պատժվում է ազատազրկմամբ՝ 10-17 տարի ժամկետով։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 3 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 4 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 5 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
Պետական անվտանգության ծառայության տվյալներով՝ Ցիսկարա Տոխոսաշվիլին 2015 թվականին լքել է Վրաստանը, մեկնել Մերձավոր Արևելք և միացել տարածաշրջանում գործող «Իսլամական պետություն» ահաբեկչական կազմակերպությանը։
Տոխոսաշվիլին, նույն ինքը՝ «Էմիրի Իսա»-ն, համարվում էր շատ ազդեցիկ դեմք «Իսլամական պետության» անդամների շրջանում։ Նա ակտիվորեն մասնակցել է ահաբեկչական գործողություններին և շարունակվող մարտական գործողություններին Սիրիայի և Իրաքի տարածքում։ Որոշ ժամանակ նա ղեկավարել է հակամարտության գոտում ահաբեկչական կազմակերպության ստորաբաժանումներից մեկը։ Նա մտերիմ հարաբերություններ է ունեցել «Իսլամական պետություն» ահաբեկչական կազմակերպության տարբեր ազդեցիկ առաջնորդների հետ», - ասվում է ՊԱԾ-ի հայտարարությունում։
Նշենք, որ 2019 թվականի նոյեմբերի 12-ին համատեղ գործողության արդյունքում Ուկրաինայում ահաբեկչության մեղադրանքով ձերբակալվել է Ցիսկարա Տոխոսաշվիլիի կրտսեր եղբայրը՝ Ցեզար Տոխոսաշվիլին՝ «Իսլամական պետության» էմիր Ալ-Բարա Շիշանը։ Նա արտահանձնվել է 2020 թվականին և պատիժը կրում է Վրաստանում։
Պանկիսի համայնքային ռադիոյի տվյալներով՝ 2012-2019 թվականներին Սիրիայում մարտերի ընթացքում զոհվել է 34 պանկիսցի։
