Ռուսլան Աբաշիձեն, ով 2019 թվականից զբաղեցնում էր Աբխազիայի Ինքնավար Հանրապետության կառավարության նախագահի պաշտոնը, հրաժարական է ներկայացրել։ Աբաշիձեի խոսքով՝ պաշտոնից հեռանալու որոշումն իրեն է պատկանում։
Լրահոս
Ընթերցողի ընտրանի
- 1 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 2 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 3 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
«Այսօր ես լքում եմ Աբխազիայի Ինքնավար Հանրապետության կառավարության նախագահի պաշտոնը։ 2019 թվականից մինչ օրս Աբխազիայի կառավարության նախագահի պաշտոնում իմ պաշտոնավարման ընթացքում իմ թիմի հետ միասին մենք հանդիպել ենք բազմաթիվ մարտահրավերների՝ պաշտպանելու մեր հասարակության շահերը։ Մենք շատ նոր նախաձեռնությունների հիմք ենք դրել և ունենք նշանակալի արդյունքներ»,- գրել է Ռուսլան Աբաշիձեն սոցցանցում։
Աբաշիձեն շնորհակալություն է հայտնում Աբխազիայի կառավարության և Գերագույն խորհրդի անդամներին, Վրաստանի գործադիր և օրենսդիր իշխանություններին, ինչպես նաև Վրաստանում հավատարմագրված դիվանագիտական կորպուսի և միջազգային կազմակերպությունների ներկայացուցիչներին, «որոնց ներգրավվածությամբ այս տարիների ընթացքում մի շարք կարևոր նախագծեր և միջոցառումներ են իրականացվել Աբխազիայից տեղահանված բնակչությանն աջակցելու համար»։
«Ցանկանում եմ հատուկ շնորհակալություն հայտնել Աբխազիայի հասարակությանը։ Ինձ համար մեծ պատիվ և միևնույն ժամանակ մեծ պատասխանատվություն էր ծառայել նրանց և միասին կատարել այնպիսի աշխատանք, որն էլ ավելի կմոտեցներ բաժանված հասարակությունները միավորելու և երկրի տարածքային ամբողջականությունը վերականգնելու նպատակին։ Հավատում եմ, որ մեր կառավարության հետևողական խաղաղության քաղաքականության և միջազգային հանրության աջակցության դեպքում մեր համատեղ նպատակը կիրականացվի՝ երկրի ապաօկուպացումը, խաղաղ զարգացումը և կայունության ապահովումը»,- ասում է Ռուսլան Աբաշիձեն։
Վարչապետ Իրակլի Կոբախիձեն շնորհակալություն է հայտնել Ռուսլան Աբաշիձեին 4 տարվա աշխատանքի համար։ Նրա խոսքով՝ այժմ ամենակարևորն այն է, որ շատ շուտով նշանակվի Աբխազիայի Ինքնավար Հանրապետության նախագահը։ Այս որոշումը կայացնում է Աբխազիայի Ինքնավար Հանրապետության Գերագույն խորհուրդը՝ համաձայնեցնելով Վրաստանի կառավարության հետ։ «Մենք պատրաստ ենք խորհրդակցությունների համար»,- ասել է Կոբախիձեն։ Վարչապետի խոսքով՝ լավ կլինի, եթե Ռուսլան Աբաշիձեն մնա պետական ծառայության մեջ։
