Gürcüstan prezidenti Salome Zurabişvili bu gündən etibarən Moskva-Tbilisi-Moskva reyslərini həyata keçirməyə başlayan Gürcüstanın “Georgian Airways” aviaşirkətinə boykot elan etdiyini açıqlayıb. Bu barədə prezident bu gün keçirdiyi brifinqdə bildirib.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
- 6 Bu məsələdə Bidzina İvanişvili bizimlə həmfikirdir - Mdinaradze rus qanunu barəd
“Mən özüm üçün tətbiq edirəm, bu çox şey ifadə etmir, lakin sizi də “Airzena” ilə bağlı boykotu paylaşmağa çağırıram. Bu, varlanmaq üçün bu dövlətdən həmişə istifadə edən şirkətdir. Bu, bütün hökumətlərin dövründə belə olub, “covid” dövründə də davam edib və indi əhalimizin çox böyük bir hissəsi üçün qəbuledilməz olan bu yeni reallıqdan yararlanmaq niyyətindədirlər.
Pul müqabilində hər şeyə hazır olan şirkəti daha da zənginləşdirməmək üçün nə qədər ki, “Airzena”nın əlindədir, şər istifadə etməkdən çəkinəcəyəm. Biz onun rəhbərinin sevincli bəyanatlarını gördük”, - Salome Zurabişvili bildirib.
Uçuşların bərpasından sonra “Georgian Airways” (2004-cü ilədək “Airzena” adlanırdı) bu gün Moskvaya ilk uçuşunu həyata keçirib. Şirkətin prezidenti Tamaz Qaiaşvili idarə heyətini şəxsən uğurlayıb. O, Rusiya mətbuatına müsahibəsində deyir ki, Gürcüstan əhalisinin 90%-dən çoxu birbaşa hava nəqliyyatının bərpası və viza rejiminin ləğvini “böyük coşğu” ilə qarşılayıb: “Vladimir Putinin fərmanına görə hamı sevincli idi”, - Qaiaşvili bildirib.
“Georgian Airways” Rusiyanın paytaxtına həftədə yeddi dəfə uçacaq. Aviaşirkət ictimaiyyətin bir hissəsinin bu qərarın qəbulu ilə bağlı tənqidini “çirkli kampaniya” kimi qiymətləndirib və bunun arxasında, Qaiaşvilinin şirkətinin bəyanatına əsasən, “xaricdən alınan qrantlara haqq qazandırmaq üçün xalqın maraqlarına zidd getməyə hazır olan, idarə olunan qüvvələr dayanır”. Aviaşirkətin mayın 17-də yaydığı bəyanatda tənqidçi vətəndaşlar üçün “quldurlar”, “heçliklər”, və “təxribatçılar” kimi epitetlərdən istifadə edilib.
Gürcüstanla təxminən 4 il əvvəl dayandırılmış hava nəqliyyatının bərpası haqqında fərmanı Vladimir Putin mayın 10-da verib. Gürcüstan vətəndaşları üçün 2000-ci ildən qüvvədə olan viza rejimi də ləğv edilib.
Avropa İttifaqı Gürcüstanı Ukraynadakı müharibəyə görə Avropa İttifaqı və beynəlxalq tərəfdaşların Rusiyaya qarşı tətbiq etdiyi aviasiya sanksiyalarına qoşulmağa çağırır. Lakin ölkənin baş naziri İrakli Ğaribaşvilinin dediyi kimi, Gürcüstanın Avropa İttifaqının siyasətinə tabe olması üçün üzv ölkə olması lazımdır.
