“Tanrıya, valideynə, ölkəyə, heç nəyə inanmayan vətənsiz şəxslərin siyahısı hazırlanmalıdır ki, cəmiyyət bu anti-Gürcüstan, dövlət əleyhinə aksiyaların arxasında kimin dayandığını və təşkilatçısının kim olduğunu bilsin”, - deyə hakim “Gürcü Arzusu” partiyasının deputatı İrakli Zarkua məlumat bazasının yaradılması ilə bağlı bildirib.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
““Mona.ge”nin bolşevik yanaşmasına gəlincə, kimin fərqli fikri varsa, onu “mona.ge”də afişa edirlər, biz bunu etmirik. Hər kəsin fərqli fikri olmalıdır. Biz deyirik ki, cəmiyyəti bulinq edən, təhqir edən, kilsəyə hücum edən, camaatın önünə çıxıb höküməti devirməyə çağıranların ad-soyadları müəyyən edilməlidir. Ona görə də bunu bolşevik rus pulu ilə maliyyələşən “Çılpaqlar”ın və Xoştariyanın layihəsi ilə qarışdırmayın”, - deyə Zarkua bildirib.
Bu gün parlament sədri Şalva Papuaşvili bildirib ki, onlar partiya strukturları vasitəsilə “zorakılıqda, digər qanunsuz hərəkətlərdə, təhdid və şantajda iştirak edən və ya bunu ictimai şəkildə bəyənən bütün insanlar haqqında məlumatın toplanacağı məlumat bazası yaradacaqlar”.
Qanun pozuntuları, zorakılıq və təhdid hallarının dövlət və ya cəmiyyət tərəfindən cavabsız qalmaması üçün bütün tədbirlər görüləcək”. Nə vaxt ki, cəmiyyət buna reaksiya verəcək, bu məsələlərə mənəvi qiymət veriləcək, bu insanlar belə hərəkətlərdən, bəyanatlardan çəkinəcəklər”, - Papuaşvili bildirib.
“Avtoritarizm belə görünür. “Gürcü Arzusu”na və onun vasitəsilə gürcü xalqının ümid və istəklərini məhv etməyə töhfə verənələr utansın”, - Avropa Parlamentinin deputatı Miriam Leksman Gürcüstanın parlament sədrinin “məlumat bazası” yaratmaq haqqında çıxışına belə cavab verib.
