Rusiya prezidenti Vladimir Putin, özünü elan etmiş Donetsk Xalq Respublikası və Luqansk Xalq Respublikasının qondarma rəhbərləri Denis Puşilin və Leonid Paseçnik, həmçinin, işğal olunmuş Zaporojye və Xerson rayonlarının “rəhbərləri” Yevgeni Balitski və Vladimir Saldo Donetsk, Luqansk, Xerson və Zaporojye vilayətlərinin Rusiya Federasiyasına birləşdirilməsi haqqında saziş imzalayıblar.
Əsas xəbərlər
Oxucunun seçimi
- 1 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 2 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 3 Bu qanun nə Avropa, nə də Amerika qanunudur - Aİ səfiri rus qanunu barədə
- 4 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
- 5 Parlamentə təqdim edilən qanun layihəsi Gürcüstanı Avropa yolundan yayındıracaq - ABŞ rus qanunu haqda
- 6 İrakli Beraia Gürcüstan Kəşfiyyat Xidmətinin rəhbəri təyin edilib
“Donetsk və Luqansk Xalq Respublikalarında, Zaporojye və Xerson vilayətlərində yaşayan milyonlarla insanın seçiminin arxasında bizim ümumi taleyimiz və min illik tariximiz dayanır. İnsanlar bu mənəvi əlaqəni övladlarına, nəvələrinə ötürdülər. Bütün sınaqlara baxmayaraq, onların Rusiyaya olan sevgisi illərlə davam etdi və bu hissi heç kim məhv edə bilməz. Ona görə də həm yaşlı nəsil, həm də Sovet İttifaqının dağılmasından sonra dünyaya gələn gənclər bizim birliyimizə, ümumi gələcəyimizə səs verdilər”, - deyə Vladimir Putin bildirib.
Rusiya prezidenti Ukraynanı dərhal atəşi dayandırmağa çağırıb: “Biz Kiyev rejimini atəşi, bütün hərbi əməliyyatları, 2014-cü ildə başlayan müharibəni dərhal dayandırmağa və danışıqlar masasına qayıtmağa çağırırıq”.
Putinin sözlərinə görə, Rusiya danışıqlar masası arxasına əyləşməyə hazırdır, lakin “Zaporojya və Xersonun statusu müzakirə olunmayacaq”.
“Qoy hamı xatırlasın ki, Luqansk və Donetsk, Xerson və Zaporojyedə yaşayanlar əbədi olaraq bizim vətəndaşlarımız olurlar! İndiki Kiyev hökuməti xalqın iradəsinin bu azad təzahürünə hörmətlə yanaşmalıdır. Yalnız bu sülh yolu ola bilər.
Biz bütün mövcud güc və vasitələrlə torpağımızı müdafiə edəcəyik, xalqımızın təhlükəsiz həyatını təmin etmək üçün hər şeyi edəcəyik”, - Putin bildirib.
Rusiya dövlət mediasının məlumatına görə, Kremlin mətbuat katibi Dmitri Peskov, Donetsk və Luqansk qondarma Xalq Respublikalarının 2014-cü ildən etibarən rayonların sərhədlərinə görə Rusiyanın bir hissəsi olduğunu izah edib - hazırda Ukraynanın nəzarətində olan ərazilərlə. Eyni şey Zaporojye bölgəsinə də aiddir, onun əsas şəhəri - Zaporojye heç vaxt Rusiya tərəfindən işğal olunmayıb və hələ də Kiyevin nəzarətindədir.
Ukraynanın işğal olunmuş rayonlarının Rusiya tərəfindən anneksiya edilməsindən əvvəl legitimliyi Ukrayna və beynəlxalq ictimaiyyət tərəfindən tanınmayan qondarma referendumlar keçirilib. BMT baş katibinin sözlərinə görə, qondarma referendumlar fəal silahlı qarşıdurma zamanı, Rusiyanın işğal etdiyi yerlərdə keçirilib və bunu xalqın iradəsinin həqiqi ifadəsi adlandırmaq olmaz.
Rusiya silahlı qüvvələrinin təzyiqi ilə 2014-cü ildə Krım yarımadasında və Sevastopol şəhərində qanunsuz referendumlar keçirilib, bundan sonra Rusiya Krımı və Sevastopolu anneksiya edib.
