Hökumətyönümlü təbliğat telekanalı “İmedi”nin sahibi İrakli Ruxadze bildirir ki, Avropaya inteqrasiya haqqında qeyd konstitusiyaya salınmamalı idi. Onun qiymətləndirməsinə görə, bu məsələ “müqəddəs səviyyəyə” qaldırılıb.
Əsas xəbərlər
Oxucunun seçimi
- 1 Əliyev və həyat yoldaşı Putini şam yeməyində qonaq ediblər
- 2 Rusiyanın BMT-dəki nümayəndəsi “Gürcü Arzusu”nun avqust müharibəsi ilə bağlı bəyanatını təkrarlayıb
- 3 Kobaxidze 22 seçki dairəsi üzrə “Gürcü Arzusu”nun nümayəndə heyətinə namizədlərin adını açıqlayıb
- 4 Şahin və Terner: Düzgün yola qayıtmaq üçün ilk addımı Gürcüstan hökuməti atmalıdır
- 5 Məhkəmə MSK-nın mübahisələndirilən qərarını qüvvədə saxlayıb
- 6 Ukrayna Rusiyanın 1000 kvadrat kilometr ərazisinə nəzarət etdiyini bildirir
“Avropa İttifaqına daxil olmaq – daxil olmamaq məsələsi yalnız bir məsələdir. Gürcüstan üçün vacib olan bir çox başqa məsələlər də var. Ona vurğu edilir ki, Gürcüstan əhalisinin 80%-i Avropa İttifaqına üzvlüyün tərəfdarıdır.
Bu, yəqin ki, doğrudur, lakin eyni sorğularda, bu rəqəmlərin götürüldüyü eyni “NDI”ın sorğularında, vacib məsələlərdən danışdığınız zaman, yalnız 2% bunun vacib məsələlər siyahısında olduğunu düşünür. Yəni bundan qat-qat vacib məsələlər var - yoxsulluğun aradan qaldırılması, iş yerləri, səhiyyə, təhsil, ərazi bütövlüyü. İnsanların mənim üçün çox vacib dediyi bir çox başqa məsələlər var və təxminən 4-5 il əvvəl tapdığım sorğuda 2% Aİ-yə üzv olmağın onun üçün çox vacib məsələ olduğunu deyir. “Daxil olmaq istəyirəm” çox adam deyir deyir, “vacibdir” isə kiçik bir hissə.
Biz indi bunu götürmüşük və bir növ fetişləşdirmişik, onsuz da həmişə fetişləşdiririk. Müxalifət bunu artıq açıq şəkildə, məncə, Qərbin dəstəyi ilə edir. Təəssüf ki, “Gürcü Arzusu” elə bir vəziyyətdədir ki, cavab verir və guya bu onun üçün son dərəcə vacib məsələdir. Ölkəmizin bütün diqqəti buna yönəlib.
Eyni zamanda, bu, müqəddəs səviyyəyə, doqma səviyyəsinə qaldırılma şərtlərində baş verir. “Biz bunu etməliyik, çünki konstitusiyada belə yazılıb”. Birincisi, konstitusiyada niyə yazılıb?! Məndən soruşsanız, tamamilə axmaqlıqdır və biz bunu bunu yazmamalı idik. Daimi sənəd olan konstitusiyada bu şeylərə nə ehtiyyac var. Konstitusiya biraz fərqli bir sənəd növüdür”, - deyə Ruxadze öz telekanalına müsahibəsində bildirib.
2017-ci ildə həyata keçirilən konstitusiya dəyişiklikləri ilə Gürcüstan Konstitusiyasına 78-ci maddə əlavə edilib ki, bu da bütün konstitusiya orqanlarını Gürcüstanın Avropa İttifaqı və Şimali Atlantika Müqaviləsi Təşkilatına (NATO) tam inteqrasiyasını təmin etmək üçün öz səlahiyyətləri daxilində bütün tədbirləri görməyə məcbur edir. 2019-cu ildə “Gürcü Arzusu”nun liderlərindən biri olan Mamuka Mdinaradze demişdi ki, Avropaya inteqrasiya konstitusiyaya “bizim kursumuzun sarsılmaz olduğunu, yəni bir hissəsi olmalı olduğumuz Avropa və Avro-Atlantik məkanı hamıya aydın qılmaq üçün yazılıb”.
